وفيه حبيت اشارككم بصور لاحلى ذكريات حياتى فى محافظة مطروح وتحديا شاطىء عجيبة ـ وهو اسم على مسمى ـ
وانا تقريبا بنروحه من 7 سنين او اكتر لازم كل سنة نروح نصيف هناك بس مع الاسف مروحناش السنة ديه
وادعولى السنة الجاية اروحها ان شاء الله مع جوزى ياااااااااااااااااارب
واحنا بنروح عند خالتو وهى ساكنة هناك لكن للى يحب يروح هناك منكم النظام بيكون اما فنادق فى شارع اسكندرية ـ اشهر الشوارع هناك ـ او على البحر او تاجير شقق
وهى تعتبر من المصايف الرخيصة والجميلة فى مصر بالمقارنة مع الساحل الشمال ومارينا واسكندرية
والسنة ديه افتتحت هناك بورتو مطروح للى يحب الخدمات العالية والراقية بس طبعا بتكلفة اعلى
وحبيت ابدا بنبذة مختصرة عن مطروح لان مع الاسف كتير من غير المصريين مايعروفهاش
هى بتبعد عن محافظة اسكندرية ـ محافظتى حبيبتى ـ بحوالى 289 كم وهى على الحدود مع ليبيا
وهى محافظة بتغلب عليه الطابع الصحراوى ماعدا المدينة نفسها وبتتميز باروع الشواطىء والرمال البيضاء
ومن المحافظات القليلة اوى فى مصر الهادئة وقليلة السكان هههههههه
بس فى الصيف بتكون زحمة من المصيفيين
بس بعد المصيف بتكون هادئة جدااااا وعشان كدة بحب اروحها بعد المصيف عشان اتمتع بالهدوء اللى مفتقداه فى اسكندرية
وديه صور جيباها من النت للمدينة نفسها لانى مع الاسف مش معايا
وهنا هبدا انزل صورى لشاطىء عجيبة وهو بيبعد حوالى نصف ساعة بالسيارة عن مدينة مطروح نفسها وهو فى منطقة صحراوية ومافيش منازل حواليه ومنسوب البحر منخفض جدا عنده عن منسوب الارض فعشان ننزل للشاطىء بننزل جبل وطبعا ممهد بالسلالم وهو شاطىء يشتهر بالصخور الجيرية
ومعلشى الصور فيها اجزاء مقطوعة عشان كنا ظاهرين فيها
اغلب الصور اللى هنزلها هتكون من سنتين وصورة او 2 من السنة اللى فاتت لان السنة اللى فاتت كان معانا خطيبى ومكنتش مركزة اوى فى التصوير ههههههههههه
وديه واحنا هبدا ننزل السلالم
يتـببببببببببببع
وديه صورة قريبة للصخور الجيرية اللى على الرمل
وديه بقى صورة على الطريق واحنا مروحيين
واخويا ان شاء الله مسافر هناك بكرة مع صحابه وهخليه يصور كل خاجة واول ما يرجع بالسلامة ان شاء الله هجهلكم
وبجد الصور ماتصفش ربه روعة النظر الطبيعى هناك