اول موعد وشكله اخر موعد... تحطمت من صورة معلقينها بالمستشفى

اهلين خواتي ... مدري وش أقولكم ومن وين أبدأ ؟؟؟
اليوم رحت للمستشفى العسكري بسوي أطفال انابيب
أول موعد بس احباااااااااط
ياربي زحمممممة والممرضات نفسهم شينة والحريم بس يتأففون :06:
والشي تقعدين ساعة أو أكثر لين يخلص
يعني بس عشان يجي ملفي أخذ ساعة وربع
وانتظرت عند باب العيادة ساعة الا ربع
حولني على المختبر وقعدت عندهم حوالي ساعة و نص
وأعطان يموعد بعد بعد 3 أسابيع ورحت أسجله وقعدت نص ساعة
والله تعب :06:
حرااااااااااااااام
نفسيتي تعبت من الوقفة والقعدة وهذا اول موعد
بتقولون مدلعة ... لا والله بس أنا سويت انابيب مرتين بأهلي وشفت الدلع :hahaha:
بس من كل جهة مسكرة محد يدري اني رحت لهم غير زوجي
وأنتم طبعا :35:
وكل شوي زوجي يدق يقول خلصتي أقول لسا .. لسا ...
من 7ونص الى ماكتبت هذا الموضوع الان الساعة 12
وزوجي أحبطني يقول زحمة وش لك بهم ؟ اتركيهم ؟ واذا فتحت فمي وشكيت من شي
قال اللي يبي الدح !!!
محبطططططططططني لاخر درجة قلت له ياتكون عون ولا خلاص اسكت لاتصير فرعون
هذا بدل ماترفع معنوياتي :06:

واللي زادني زود حاطين صورة مكتوب فيها ايه ( ويجعل من يشاء عقيما)
وشوله تحطونها ....؟؟؟ هنا خصوصا بهالمكان
يعني كأنهم يقولون استسلموا ولا عاد تراجعون :06:

الله يصبرني واياكم
ويرزقنا ويغنينا عنهم وعن أدويتهم وعلاجهم


سامحوووووووني طولت