اول نفاس لي ببيتي

مبروووك مقدمآ 😊
يا سيدرا
انا كل نفاساتي بالبكر والباقي ببيتي
لحالي الله وكيلك 😊
مو صعب ولا مستحيل
وعادي الوضع امشي بشويش واطبخ واغسل بسم الله ماشاء الله علي 👀
واروش ولدي وبنتي
واسويلي شوربة فريكه مع لبن زبادي كلها سلق بسلق
حتى البيبي انا اروش لوحدي
الحين احس بطلو الحريم ينفسو ببيوت اهاليهم
ماذقت التعب صدق الا بالقيصريه كان نفاسي ببيتي جحيم 😣
اما الطبيعي سهالات يا بنت الحلال
بس لا تعلني خبر ولادتك الا بعد اسبوع تكوني شديتي حيلك وقادره تستقبلي ضيوفك
.
بالنسبه للولب مانصحك
انا ركبت كبسولة الامبلانون
لاعذاب الللولب ولا قرف الحبوب
راااااااااحه فوق ماتتصوري

وعليكم السلام ..
طيب يعني لك خبره سابقه شوي ..
اول شيء جهزي كل علاجات النفاس قبل الولاده وجيبي لك خدامه بالشهر عشان تنظف وتقوم بالاولاد او تمسك المولود وتنتبه له وانتي تنتبهين للاولاد
وزوجك يشتري من المطعم ولا ياكل عند اهله خصوصاً اول ١٥ يوم اقل شيء لين ينشد ظهرك ..
واذا بيجونك ناس عادي اكيد هم بيجيبون قهوتهم وكذا انتي خلي خدامتك تحط لك الفناجيل والبيالات ( كاسات الشاي ) .. وترتب لك سفره مناديل وكذا وانتي البسي بجامة حلوه مرتبه او قميص او لبس استقبال النفاس واستشوري شعرك وحطي روج وردي خفيف ومسكره شوي وبلشر خفيف يجملك مع سواد النفاس ياشينه 💔 ..


ولاتشيلين هم اذا جاك احد عادي دقي على اهلك قولي بيقهووني الفلان ابي احد يجي يصب لهم ويقهويهم

مبروك مقدما والله يقومك بالسلامه
من ناحية الاكل شوفي طباخات الانستقرام وتعاملي مع وحده تسوي وجباتكم لمدة اسبوع
انتي تقريبا اسبوع بتكونين مرهقه من الولاده ومشتته مع الوضع الجديد وبيبي جديد
جيبي شغاله من الان علشان تتعود على نظامك وعلى عيالك ويصير لاولدتي بس عليك توجهينها وهي بتشتغل
بعد اسبوع بتكونين قادره ع الطبخ خلي الشغاله تقطع لك كل شي وانتي بس اطبخي وهالشي مايأخذ منك لاجهد ولا وقت
نظمي نوم عيالك علشان ماتتعبين بالسهر معاهم
استقبال الضيوف خليه بعد اسبوعين وسوي يوم استقبال وارسلي للجميع ان اليوم الفلاني استقبال ولادتي بطفلي
لاتخلين الاستقبال يومي لانه ارهاق عليك
انا وخواتي وسلفاتي واغلب معارفي نحدد يوم وكل اللي نعرفهم يجون من بعد العصر ناس داخله وناس طالعه اللين صلاة العشاء وبكذا نرتاح من ازعاج الحريم الايام الباقيه
انا عيالي كلهم نفست عند امي الا بولادتي الاخيره ببيتي وكان افضل نفاس
حمامي الخاص ملابسي ملابس اولادي نوم اولادي كل شي مرتب وماخذه راحتي ببيتي
بس لاااااازم وجود شغاله لان عندك بيبي بعمر سنه وهذا لحاله يبغاله اهتمام
انا مجربه ولدت وولدي عمره سنه وبالبدايه الوضع صعب لان الاثنين يبغون اهتمام والحمدلله اللحين كأنهم توائم الله يحفظهم البنت سنتين والولد 3
موفقه
وقولي من اي منطقه يساعدونك البنات ب ارقام خادمات او طباخات


واذا على المانع انا استخدم الابر وجدا مضمونه لاني اخاف احمل ولاعاد عندي قدره جسديه للحمل

ماعليك والله ايام وتعدي
بالعكس النفاس في بيتك ومع زوجك حلو
اهم شي اهلك في مدينتك مو برا اول ماتحتاجينهم بيجونك
اهلي يبعدون عني ١٠٠٠ كيلو 😭😭
انا جبت ٤ لحالي وبدون خدامه بس ربي سهلها
زوجي جدا متفهم الاكل يا يجيب من برا او من اهله
الغسيل والكوي برا شهر كامل
بكذا البيت اصلا مافي شغل مادام مافي طبخ ولا غسيل
الكنيس مره اكنس انا ومره هو
ومره تجيني اختي تنظف وتعشينا او تغدينا
بس اكون منضفه البيت من والي قبل الولاده تنظيف عميق عشان اذا ولدت بس احافظ على النظافه
وبعد شهر خلاص انا اقوم الحمدالله
اما حوايج انا النفاس ماعرفها صراحه
اشرب كل يوم ترمس قشر وقوفه اهم شي
وحب رشاد مع تمر نفاسي الاخير اختي سوت لي عليه كبيره كور تمر مع سمن ورشاد وحطته في الثلاجه وكفاني شهر هذا فقط
اكلي ام زوجي ترسل شوربه او قرصان مع مرق
واحيانا من اكلهم عادي

عادي جدا
عندك اولاد وام عيال مافي شي يخوف
الاكل اطلبي من طبخات الانستقرام
او فرزلي
او المطاعم
واستاجري خدامة شهر
وبس
وقومي تحركي خلي السوائل تنزل من جسمك
الأجانب ببيوتهم يولدون ما ضرهم شي