اوووف بس

ليش يا عمرى فاتتعرفين على صحبات جدد لك لاتقولين انصدم من مواقفهم بس انتى شكلك حساسه من اى موقف والله موكل شى زين يعنى متلقين صاحبة لك كاااااااااااااملة بس على الاقل امشى حالى واضحك واستانس اهم شى يا اختى لا تعكرنى على نفسك حاولى تكونى اجتماعية واهم شى الثقة بنفس وتعرفين كيف تدافعين عن نفسك وادعى الله ان الله يسخر لك وحدة تخاف الله فيك

ليش حاطه ان وحدتك سبب تعاستك
غلطانه انتي اللي تجيبين السعاده وتبعدين عنك الوحده حتى لو كنتي وحيده
تقربي من الله والله والله بتحسين بسعاده وراحه
وبعدين ليش تغيبين
حطي حيلك بدراستك وكملي وادخلي جامعه طوري نفسك
ولاتحصرين نفسك في البنات ومواقفهم ابد
انا طلعت من الجامعه بدون صداقات لانها مبنيه على مصالح وانتهت
وصداقاتي اللي من المتوسط والثانوي انتهت بسبب تافه للاسف
فالتهيت بدراستي وتقربي من الله

صادقي الكتاب لا تستهيني بالمثل اللي يقول و خير جليس في الزمان كتاب..

روحي المكتبه و جيبي كتب و روايات شي تحبين تقرينه موضوع شدك تصفحي الكتاب قبل تشترينه و مو لازم تقرينه من الجلده للجلده او بالترتيب اقري الفهرس و شوفي اللي يناسبك او تنقلي بين الابواب ..

لا تقولين كفايه علي المدرسه .. لان القراءه الحره مو زي المدرسه ابداً .. انا لما كنت بسنك ما فيه كتاب ما قريته .. سياسه ادب روايات دين ..كان وقتي مشغول

فيه كتب عظيمه تدخلك في رحله معها و تعيشك بجو تتمني تعيشي فيه ولو مجرد خيال .. المرحله اللي انتِ فيها مرحله خصبه بالخيال و فيك طاقه كبيره وجهيها بشي ينفعك...

عندك مثال للكتب اللي تخليك تعيشين بزمن الرسول صلى الله عليه و سلم و الصحابه و تخليك تتعرفين على وجه اخر لهم ما علموه لك في المدرسه.. حياتهم الاجتماعيه كيف كانوا عايشين زعلهم غضبهم فرحهم حزنهم..الخ

من ضمن هالكتب عبقريه محمد - عبقريه عمر - عبقريه ابو بكر .. كلها لعباس محمود العقاد
صور من حياة الصحابه ..

هذا من غير كتب انجليزيه مترجمه روعه اختاري شي يناسب مشاكلك اللي تواجهينها زي ما قلتي الوحده كيف نتغلب عليها - كيف تكوين الصداقات - متى نقول لا وهكذا..

اختاري كتب نفسيه تتكلم عن الشخصيه و الذات و تكون موجهه للي بسنك للمراهق.. و فيه منها كثير مترجم..

اذا تحبين اللغه الانجليزيه اقري فيها تتقوي و بنفس الوقت تغيري من الروتين فيه روايات تكون مكتوبه بالللغتين بعد..

تعرفي على جوانب حياتك و اهتماماتك من خلال الكتب.. انتِ بسن الحيره بسن للاسف اغلب الاباء و الامهات ما ينتبهون فيه لاولادهم

لا تيأسي و تقولي هالكتاب مو زين و تقفلينه يجي يوم و بتقولين هذا اللي قريته بالكتاب اثريه كان يقصد كذا و مرات لما تقرين الكتاب لاول مره تحسين بطفش اذا مو متعوده عليه بس مره عن مره بتحسين انك ما تستغنين عنه فأبدأي باللي يعجبك و الموضوع اللي يجذبك .. انتِ بمرحله خيال خصب الحين استغليه استغلال سليم وطيب .. ولما تكبرين راح تتغير هالمرحله و تفقدينها راح تصيرين اكثر تعمق و تفكير فتقرين و تنتقدين الكتاب او الكاتب او تحاولين تجمعين معلومات .. فعشان كذا استغلي هالمرحله كويس لا تفوتك..

و لا تنسين انك انتِ المستفيده حتى لو قريتي كتاب و طلعتي منه بمعلومه وحده او انه غير فيك شي واحد..

الكتاب خير صديق من جد لا يقولك مليت انتِ اللي تملين منه و لا يتزعل عليك و لا يضايقك او يجرحك بكلمه و الاهم انه صديق وفي..
======

فيه اقتراح ثاني و احس انه مره مهم للي مثل من هم بسنك بس للاسف مو لاقي دعم من الحكومه و مو حاسين باهميته..

اللي هو العمل التطوعي و الانشطه الثقافيه و الاجتماعيه ... و هذي تكون بالنوادي و المراكز الخاصه بالمرأه و الطفل و ذوي الاحتياجات الخاصه مثلا و دور التحفيظ دور الايتام..

فكري بالعمل التطوعي بتحسين انك عضو فعال بالمجتمع و بتكونين صداقات هدفها نبيل و مو قائم على مصالح و من غير الاجر اللي بتاخذيه..

العمل التطوعي يصقل شخصيتك , يعطيك خبره بالحياه, يعلمك اشياء جديده , يملي عليك اوقات فراغك, تحسين بقيمه كل شي الوقت و الاشياء من حولك و الاهم تعرفين قيمه نفسك و يشعرك براحه نفسيه و شعور بالرضا..

فكري بفكره بحمله او شاركي بمنتدى تطوعي خاص بمدينتك على سبيل المثال مجرد بحث بسيط لمواقع التطوع عن طريق مسيو قوقل :)

====
ممكن تشتركي بنادي صحي لان الرياضه ترويح عن النفس من غير انها تحافظ على جسمك..
اذا ما فيه امكانيه تقدرين تسوين رياضتك اليوميه بالبيت عن طريق اليوتيوب مثلا.. اختاري برنامج و رتبيه و ابدأي سويه بساعه معينه يومياً .. نفسيتك بتتغير صدقيني..

=========
لا تقولين مالي عزوه مالي ظهر .. قولي انا عزوة نفسي و ظهر نفسي.. خليك ايجابيه بمجتمع سلبي .. و لا تنسين ان اكبر الشخصيات المؤثره بالعالم عبر التاريخ كانت بيئتها سلبيه جداً و مع هذا ما استسلمت و صنعت لأسمائها النجوميه .. حطي ببالك اي شخصيه دينيه سياسيه فنيه علميه و راح تلقين ماضيهم كان سلبي الاغلبيه منهم ان ما كان الكل..

قوي نفسك بالايمان اولا و بعدها بالدافع للدراسه و النجاح عشان تصنعين مستقبلك بنفسك.. اعتمدي على نفسك و قوه الشخصيه تكون من الداخل بالاراده و القوه و الاصرار و الصبر و التحمل و الامل..

اخيرا اعيدي اكتشاف نفسك و لا تعتمدين على المجتمع او البيئه اللي انتِ فيها تمردي عليها و اصنعي بيئتك بنفسك و لا تهدرين طاقتك بشي غير مفيد حرام يروح عمرك على النت و التلفزيون و بس ..

حاولي تغيرين روتينك اليومي و اشغليه بشي مناسب..
و اهم نقطه بكل هذا حافظي على الصلوات الخمس.. و ادعي ربك يشرح لك صدرك..

بالتوفيق يا رب

ربي يفرجها ويوسعها عليج ويرزقج راحة البال

مشكوورين ع ردودكــم الي تشرح النفس :)