اوووف متضايقه من حظي الزفت ريحوني بفضفض لكم

سلام كيفكم
والله مقهوره وفيني ضيق لما اسمع حد سافر وطلع وانا جالسه فمكاني انا وعيالي المساكين، وزوجي كله يقول ان شاءالله وقولي الحمدلله اخرتها ولدي عمره4 سنوات صار ما يريد ابوه يقول ان شاءالله لان يوعده بوعود وما ينفذها.. كلمة ان شاءالله عند ولدي معناته ما بيصير شي. استغفر الله وكل بسبب ابوه. دايما حججه جاهزه وهمه بس يسهر عند الشباب والمباراه.. وفلوسه يصرفه عالبيت عشان اهله.. وامه العجوز تسافر وتغير جو واحنا لا فكرنا بالسفر تتضايق هي!؟؟ هذا دليل كبير ع انه زوجي خايف يسافر يسببها وغير الاشياء الثانيه. انا صح موظفه بس ادفع لشغالتي وهي تشتغل فبيت زوجي وفبيت اهلي اذا رحنا وادفع من جيبي. وعندي اقساط سياره اخوي وادفع راتب السايقه الي توصلني الدوام. والي باقي من راتبي اخذ اغراض لبيت اهلي والباقي داخله جمعيه فيهن واتمني اني اسوي شي فالمستقبل بما ان حظي فهذا الزوج حظ زفت.. لا سوا شي لمستقبلنا ولا طالب فبيت مستقل واذا خلص راتبه يريدني اساعده بس انا ما اساعده عشان ما يتعود. وكل شهر لما يخلص حليب وحفاظ اليهال يقول لي اشتري اذا طلعتي السوق واقوله ما اقدر لاني اعرفه بيتعود، وبعد يريد عيال وما فكر بظروفه الصعبه.. اخ ياجظي انا اريد عيال بس امي خايفه خاصه ان زوجي اذا تضايق وهو مفلس عادي يقول لي جلسي بيت اهلج انتي وعيالج وانا ما اريد اجلس مكظه فبيت اهلي وهم بعد احسهم ما يريدونا نجلس فوق ظهرهم.. وامي تلمح لي تقول اذا ماعندك بيت وين بتروحي انتي وعيالك وانتي لازم تكلمي زوجك عشان يطالب ببيت.. ولا تجيبي عيال زياده ذام زوجك كذي ظرفه والريال ما تعجبه المراه الي تنجب وايد لانه ما راح يستمتع بالعلاقه، دايما امي كذي تجيب لي كلام سلبي.. وتقول لي لا تعودي زوجك بالمصروف هو صح كلامها وانا اصلا ما يبقي شي من راتبي لكن ما يحتاج كل يوم تعيد لي الشريط ترا الي فيني كافي اب من زود حظي الحلو.. الي يشوفني يفكرني مرتاحه وانا الله اعلم بحالتي ولا ذره تحققت من الي اتمناه اف فيني ضيق..