اياكم ثم اياكم ثم اياكم وماسكات النت

يا جماعة انا من بعد تجربتى وحسرتى وقهرى على نفسى حبيت انصحكم


انا والله كانت بشرتى جميلة جدا كانت صافية وفاتحة وموردة وجميلة ولكن من طمعى كنت عايزاها تبيض اكتر واكتر مع انها اصلا كانت فاتحة

بس انا قلت عايزة يبقى بياضها ناصع


المهم اعدت على طول اجيب ماسكات من عالنت واحط واعمل وفى الاخر كانت النتيجة

:angry:

:angry:
:44:


:44::icon33:

والله كانت نتيجتى ان بشرتى اصبحت مسمرة (قمحاوية) ولونها مش متوحد وبهتانة وجافة ومبقاش فيها اى لونت وردى

ودبلت والله انا بتحسر عليها دلوقتى ومش عارفة اعملها ايه


بصوا يا جماعة انا هقولكم حاجة واخلص ضميرى

البشرات مختلفة عن بعضها

كل ماسك وليه البشرة اللى تناسبه

دة حتى ممكن الماسك تكون جربته واحدة بشرتها جافة مثلا ويجيب معاها نتيجة وواحدة تانية تيجى تجربه وتكون بشرتها من نفس النوع والماسك هو هو وتجيب معاها نتيجة عكسية خالص الموضوع بيفرق حسب حساسية البشرة وقابليتها للتغيير

ويمكن تكونوا لاحظتم كدة فى المنتدى واحدة تيجى تقول دة جميل والتانية تقول دة عملى كذا وكذا




ياجماعة لاااااااااااااااااااااازم اشراف الطبيب فهو اعلم بحال البشرة واعلم ايه الحاجة اللى تناسبها
ولكن كل التجارب على النت دى ممكن تبوظ بشرتك فى يوم من الايام وخدونى عبرة ليكم




وارجوكم يا جماعة ادعوالى ان بشرتى ترجع زى ما كانت عشان انا والله خلاص زهقت منها مش عارفة اعمل فيها ايه اوحش حاجة فى الدنيا هى زوال النعمة

ارجوكم يا جماعة ادعولى انها ترجع زى الاول