ايامي الاولى في مهنتي ,, وطلب مشورتكم؟؟

بالتوفيق لك اختي أول شي

ومهنة التدريس مهنة صعبه

بخصوص انك اتدرسين بنات الثانوي

اعتقد ثلاث ارباع همك انزاح بأذن الله

لن البنات هناك تقريبا فهمات وشبه عاقلات لنها بسن مناسب اعتقد

لاهي بالصغيره ولا هي بالكبيره

ونفسياتهن حلوه وكل اللي يبن مجموع مناسب و تكوين علاقه ممتازه مع مدرساتهن

كل اللي استطيع اقوله كوني على ثقه في نفسك وقدراتك وخليكي على طبيعتك

وانتي قلتيها ( لافراط ولا تفريط ) وايضا بخصوص شكلك انا اعتقد وبالعكس

انه يناسبك وانتي مدرسه لن الناس يحبون اللي شكله صغير وعقله كبير

وبالتوفيق اختي

اختي الشامخة

مشكورة على الرد
بس حبيت الفت انتباهك
ان الطالبات عدوا مرحلة الثانوية
يعني دارسين الثانوي ومخلصين
اعمارهم فوق 18

للرفع


وجزاكم الله خير

البنات دراسين الثانوي ومخلصين ..

يعني مثلا انتي تدرسين بالجامعه او معهد او وشو ما فهمت ؟؟ !!

أولا ً حبيتي أنتي خليك وسط يعني مثلا قومي باللي عليك بأكمل وجه ..

اشرحي لهم الدرس بششكل طبيعي لازم يكون فيه شوية نقاش حول الموضوع عشان مايحسون البنات بالرتابه والجمود

يعني اذا فيه شيء ممكن تتناقشون فيه بخصوص الدرس ليه لا طبعا كله بإحترام من غير ضحك ورفع صوت

لإن بعض البنت اذا فتحتي لهم المجال يستهينون بشخصية المعلمه

فأنتي خليك معهم حازمه في هالأمور وفي نفس الوقت عامليهم بلطف يعني من غير عصبية ورفع صوت عليهم

يعني بيني لهم من البداية إن الإحترام اهم شيء

ومن خلال تعاملك معهم راح يتضح لهم جزء كبير من شخصيتك وراح تتغير تعليقات البنات اذا مريتي او شيء

أنا بعد كنت أدرس وكانوا البنات يعلقون عالمدرسات حسب هيئتهم الخارجيه ومن تعاملها معنا عرفنا ان شخصيتها غير .. وأنها أكثر حده فحاولي توضحين لهم هالشيء

بخصوص رئيستك بالعمل واللي شكلها حست أنك غير منتجه بنيني لها أنك عكس ذلك بقيامك بكل المها التي توكلها لك .. وبمقدرتك بالقيام بأعمال أخرى إذا تطلب الأمر

يعني هالشيء راجع لك إذا قمتي بعملك مضبوط أكيد راح تتغير نظرتها

بالتوفيق لك يالغاليــــــــه

مممممم من واقع تجربتي البسيطة في التطبيق

اتمنى افيدك لان طموحك وهدفك راقي وسامي ....وياليت كل مدرساتنا مثلك

بالنسبه للمديرة او رئيستك في العمل .... فلا تحاولين تنافقينها او تتملقينها .. عامليها كمعاملتك لأي شخص ..بإحترام وابتسامة وكلمة طيبة
وراح تثبتين لها كفاءتك بالعمل بفعلك وانتاجك وراح تشوف هالشي بعينها قريبا ان شاء الله

كلها كم اسبوع وتتغير نظرتها ..... وغالبا النظرة الاولى او الانطباع الاول اللي يٌبنى على الشكل...يزول مع اول تعامل :)

اهم شي الثقة ....... ثم الثقة ...... ثم الثقة

وهذا اللي حسيته من كلامك ....ماشاء الله ثقتك بنفسك واضحة

وبالنسبة للبنات .....

التعليقات اللي تسمعينها وانتي ماره ,,,,طنشيها وتجاهليها تمااااااااما ما كأنك تسمعين حاولي تشغلين نفسك بدفترك واوراقك او ساعتك ولاتلتفتين لها نهائيا

في الفصل ..... بداية لاتبتسمين لهم ...وفي نفس الوقت لاتكشرين .. خلي تعابيرك جادة بإحترام


ابدأي درسك وارفعي صوتك ..... لاتنتظرينهم يسكتون عشان تبدين ...

واذا وحده استهبلت في الحصه في البداية تجاهليها تمام وحتى لو شاركت لاتقومينها

واذا استمرت في استهبالها .... عطيها نظرة حازمة .... بدون ماتقولين اي كلمة ولا حتى توقفين الشرح

اذا زوووووودتها مررره ... بكل هدؤ خذي اسمها وعطية المديره هي تتصرف ((اذا المديرة لها شخصية))


بعد ماتثبتين شخصيتك هذي عندهم 3 اسابيع الى شهر ..... بعد ما تعرفين البنات وتعرفين شخصياتهم ومن الصالح ومن الطالح....... تبدين تلينين معهم وتسمحين بكم ضحكة وتعليق خلال الحصة عشان يتغير الجو .....واكيد الطالبات المؤدبات والممتازات راح يكون لهم تعاملهم اللي يستحقونه


وبالتووووفيييييييق يالغاليه