وانطالت ايام السفرلا اتواطى
حتى ولو طولت مانى امخليك
يالى بدونك ويش تسوا حياتى
ساكت ونا انشوف نبرة سهاريك
بلاك اتزيد لوعتى وسكاتى
لاكن قبل ما نتركك نبى انوصيك
وانت الوحيد الي قدر وصاتى
يا راس مالى غلا فى الحياه الا بيك
طيفك امعاى حتى ونا فى صلاتى
قلبى الي هو قلبى اذا مر طاريك
لولا اضلوع صدرى كانت نهاتى
حتى يدي مااتريد تفارق ايديك
ساكت وانا اشوف البلا في سكاتي
اذا حد انشدك او قالك وين غاليك
قولا باذن الله قريب ياتى
انا وقلبي والغلا ساكن" فيك
وانته وقلبك والغلا وسط ذاتي
احاول اذكر اي شي يطريك
واسهر اليل كله مع ذكرياتى
كأني امودع كل شي حواليك
كأني حسبت احساب يومة وفاتي
وان طرو النسيان ماانريد ينسيك
يا اجمل ما تعلق بذاتي
احبك ومااقدر انساك واخليك
يعني بدونك ويش تسوا حياتي
