كيفكم صبايا هذا رابط الجزاء الاول من هايدي الجنوب
http://forum.hawaaworld.com/showthread.php?t=3129967
وهنا رح نكمل الجزاء الثاني
و بعدما استمرت هايدي الجنوب في الصف الاول و جاءت الاختبارات اختبرت هايدي و نجحت و استلمت جائزه وكانت عباره عن علبة الوان مائيه _كانت هذه الهديه لها واقع نفسي لا يعلمه الا الله حتى اذكر و انا راجعه للبيت ومعايه الشهاده و الهديه امشي وحاسه اني اطيرمن الفرحه و اول ما شفت البيت بعيد و حسيت انها هانت يعني قربت من البيت صحت باعلى صوتي (يمــــــــــــــــــــــــه)
وانا باقي بيني وبين البيت مسافه من كثرة الفرحه بالهديه الله يرحم امي ويجمعني بها فالفردوس الاعلى و جميع المؤمنين والمؤمنات الاحياء منهم والاموات ومن قال امين وما انسى ذيك الفرحه وبعدها بفتره جانا جدي في زياره لمدينه جده وانا ما صدقت عيني جدي عندناا هو حلم ولا صدق وبديت احس بالحياه والفرحه مو شاايلتني وما صدقت لين رحت وجلست في حضنه وتخيلو المجلس فييه نااس واجد وهاايدي محد قدها في حضن جدها الله يرحمه والله انها ذكريات ذو شجون لكن عسى ان يكون في ذكرنا لهم رحمه )
كان فيه سوق اسمه سوق الجمعه وجدي كان معودني كل مارجع منه ع طوول استقبله وهو يدخل يده في جيبه ويطلع لي الحلاوه الصفراء كانت تسمى(عسليه) عليها صوره نحله ولما رحنا المدينه باقي صوت اصوات قراطيس الحلاوه في ذااكرتي وبعد ماجلس جدي وارتاح جلست راقب يده لما يدخلها في الكوت(الجاكيت الاسود اللذي يلبس ع الثوب الابيض
انتظر الحلاوه العسليه بس المره هذي ماطلع حلاوه طلع خمسين ريال لي وخمسين ريال لاخوي طبعا هايدي صارت من بنات المدينه واعرف وش معنا العملات النقديه واتفقت انا واخوي نروح نشتري مفاجئه لجدي ورحنا انا واخوي اشترينا لعبه كلب (الله يعزكم)وكان له فرو وضخم وكا لونه ابيض وعليه سلسله بعد كانه حقيقي المهم ركبنا له بطاريات ودخلناه ع جدي وجلس الكلب ينبح ويتحرك المهم جدي عصب علينا وخاصمنا:angry2: وقال تحطون فلوسكم في كلب <<يافرحه ماتمت:hahaha:
عاد رح انا واخوي نركض للمحل ورجعنا الكلب
اليوم الثاني قمت انا واخوي جلسنا نشرح لجدي لعبة (الغميمه)الاختباء..
وقلنا ياجد عد واحنا بنختبئ واستمرت اللعبه ويجي جدي يدور لنا واكثر الاوقات يسوي نفسه ماشافنا ولما جاء دوره دخل غرفه وقال اطلعو عدو وبعدين تعالو جلسنا نفكر كيف رح يختبى في غرفه وحده لما خلصنا العد ودخلنا كاانت المفااجئه كاان وااقف وسط الغرفه ومغطي نفسه بشرشف احنا استغربنا لان الشرشف يهتز من كثر مو جدي دااخل في نوبه ضحك ع فجعتنا رحنا سحبنا الشرشف وقلنا بصوت وااحد (مو كذا اللعبه ياجد) الله يسقي ذيك الايام كبرنا وتزوجنا وكل ما اجتمعنا يتذكر جدي اللعبه ويضحك كانا توها حاصله
وكان جدي في زياراته يعجب بما حفظنا من القران وكان يخليني اسمع له ويرص اخواني ويقول محد يطلع يلعب حتى يسمع لي المهم(هايدي) انا عرفت وش يسعد جدي كل ماجانا زياره اجهز مصحفي مايدري الا وانا جالسه عنده انا والمصحف وتمر الايام ويرجع جدي للديره ويترك بعده فراغ كبير وما انجبر الا بمجئ جدي والد الغاليه امي رحمهم الله جميعا ذالك الرجل اللذي اذا ذكر اسمه تذكرنا قول (لااله الا الله)لانها ماكانت تفارق لسانه رحمه الله ذاك الجد الحنون المؤذن طيب القلب طييبه يعجز الوصف عن ذكرها ذالك الرجل والد الغاليه التي نهلت من مدرست أخلاقه هو اللذي اتاه المرض اللذي توفي فيه وكان وقتها يصدح بالاذان رحمه الله وكانت امي معروفه بين الناس بحسن الاخلاق ولم يكن لهم ذكر بعد وفاتهاا الا اخلاقهاا وطيبتها ولما اقراء حديث الرسول صلى الله عليه وسلم في مامعناه (اقربكم مني مجلسا يوم القيامه احاسنكم اخلاقا) وكل ما اقراء الحديث يكون فيه عزا لي في فقد الوالده رحمها الله
اما بالنسبه لكل اللي يسال هل هاايدي الجنوب رجعت لديرتها؟؟
ايه رااحت هاايدي زياره لديرتها واستاانست بس كاانت زياره مؤقته وبعدها نرجع لمدينه جده واستقرت هاايدي في جده ليين تزوجت واستقرت في الجنوب وعاشت في ابها و ماتبعد عن ديرتها وذكرياتها الا ساعتيين وكل فتره والثانيه تروح هايدي الجنوب لديرتها مع زوجها وعيالها بس المره هذي تتفرج ع الاطلال وتحكي عيالها عن قصصها ومغامراتها وتوريهم الاماكن
هنا كنت اللعب هنا كنت استقبل جدي لما يرجع من السوق ومعه الحلاوه وبهالغرفه الحجريه المتواضعه كنت انام انا وامي وجدتي
وهذي بعض الصور عن ديرتي بني شهر
وياليت كل من يزور الجنوب او يسمع عنها ويتذكر هايدي الجنوب يدعيلها بظهر الغيب هي ووالديها وزوجها وابنائها بالتوفيق والمغفره ويرد الملك امييين ولكي بالمثل
(لييت العمر ساعه تنباع واشريها باغلى ثمن )
الله يرحم امك ويغفر لها ويحفظ زوجك واولادك ويستر عليك ياغاليه