ايام زمان اللي بالثمانينات يدخلو

الموضوع
خاص للي بالثمانيات وتحت ونص التسعينات
انا مولوده بنهاية الثمانيات يالله ياذيك الايام
تو فتحت الالبوم وشفت صوري وصور قريباتي
اللي الحين بعضهم معها ٥ عيال وغير وغير
وبكيت بكيت
الصور عباره عن كاشتاتنا زمان كان اذا جاء الربيع
طلعنا حنا واقاربنا اماكن بعيده بعيده من الفجر
قبل يطلع النور
قسم يالله طعم قسم ياهذيك الايام الى اليوم ببالي
تذكرت سافرتنا لمكه وجده وشفت صورنا
مع مرت خالي وبناتها الللي الحين نص
بناتها ماندري عنهم
ايش اقولكم اصلا الى هاليوم اذا دخلت جدة
تخنقني العبره
لان جده الحين مو جده قبل
كانت وقت سفراتنا بهالسنين ايش اقولكم
الكورنيش العربات
ريحة جده ذيك الوقت ومع بنات خالي
واستهبالنا وسهرنا الى الفجر وطلعاتنا
عالقه ببالي
جوالتنا تذكرون الرهيب والرسايل وشلون كنا
نتحمس وشلون كنا نسوي
النوم عند الاقارب
يالله طعم ثاني هاذي خاصه اذا كنتي
تموني عليهم
ايام ايام مانساها وارحم بنات هالوقت
مامرو بزمنا
العيد زمان كان له طعم غير
نستعد له وننبسط مع ان بسيط
سوالي ودايم نتساله
ليش الحياة تغيرت كثير
الحين نلبس احسن لبس
نسافر برا
بنات اقاربي معنا
لاكن الوناسه موب زي قبل ابد ابد
القلوب تغيرت او الحياة او ايش
الحين مع ان كل شي متوفر وعايشين
برفاهيه بس نفسياتنا زفت
ولا لنا خلق احد
ومهما نسافر ومهما نحط افخم شي بالعيد
مافي ابد وناسه فيه ضيقة صدر
فيه هم
اتمنى اتمنى اني الى الحين عايشه بذاك الزمن
قولو ذكرياتكم خلونا نقلب المواجع