ايام عرسك احكى لنا

زواجي بعد3 اسابيع يعني بعد شهر باحكيلك وش صار.بس ياليت احد يعلمنا وش صار له عشان نستفيد ودمتم سالمين:26: :26:

لو سمحتي ممكن توضح
يعني كيفية العرس؟؟:26: :26:

اخت قلب حائر
اعذريني عن مقاطعه بموضوعك بس بدي اسال الاخت رسل سؤال و ضررروري جدا مضطره عليه
رسل...حاولت ان اراسلك على الخاص و لكنها ملغيه عندك
بدي اسالك هل انت مشاركه بمنتدى لك؟
ارجو ان تردي علي باسرع وقت تقدري لانه هناك خدمه ياريت تقدري تساعديني فيها :27:

السلام عليكم اختي قلب حائر،
والله ذكرتينا بالايام الخوالي:42:.انا من بلاد الشام واحنا عادة قبل العرس بفترة بسيطة بتعمل العروس لاهلها وصديقاتها حفلة وداع (بالذات اذا كانت رح تسافر)وبتلبس ملابس مختلفة وبكون في رقص و حلويات ،بس العروس ما بتعمل تسريحة كشخة او مكياج كتير عشان تبهج بالعرس .بعدين بيجي العرس ويومها طبعا بتكون في احلى حلة واجمل شكل وبكون اجتماع الاهل المقربين عند بيت اهلها وبنتظروا العريس واهله عشان يستلموا العروس ويروحوا على الصالة.لما يجي العريس واهله بسلموا على الموجودين وبقوم والد العروس بتسليمها للعريس (واحنا عادة والدي الله يرحمه بوصيه فينا وبوصينا بازواجنا وان نحسن معاملتهم وبذكر لنا احاديث نبوية بهذا الخصوص)وبتيجي اللحظة الحاسمة وهي خروج البنت من بيت اهلها وهي لحظة ترافقها الزغاريد والدموع بنفس الوقت لانها صعبة على البنت والاهل .بعدين بمشي الموكب (السيارات)باتجاه الصالة او الفندق مع اصوات زمامير السيارات وبتكون في فرقة للزفة بالانتظار حيث انهم بزفوا العرسان باغاني تراثية ورقصات جميلة باشتراك شباب العائلتين والاصدقاء حتى يدخلوا الصالة ويجلس العروسان وهون يا عيوني مجرى العرس بسير حسب ذوق اصحاب العرس سواء من اغاني مرافقة او تقطيع الكيك وكافة الامورالاخرى وكله بكون باتفاق مسبق مع المسؤولين عن الصالة.المهم رقصنا وغنينا وانبسطنا ان شاء الله،وهلق كل واحد رح ينضب في بيته عشان يخلى الجو للعرسان المساكين اللي مش عارفين راسهم من رجليهم اللي بروحوا اما لبيتهم(اذا عندهم:29:)او للفندق وبتمر الليلة على خير (والله يستر:11:)وبيجي الصباح وبتبلش المآسي(مزح)قصدي المكالمات الفضولية من الاهل عشان الاطمئنان على العروسين(:06:طبعا فاهمين قصدي)وبعد شوي ما بقدروا يصبروا وقال ايش بيجوا عشان يجيبوا الغدا للعرسان!!!!!!!!(صدقتهم)وشو في الاحراج والاسئلة المبطنة اللي مش ظريفة بالمرة(همة ناقصهم؟ما اللي فيهم بكفيهم)وهيك اختي اتمنى اني اكون اجبت على سؤالك ويا ريت انت تحكيلنا عن ايام العرس عندكم.

:26: