عدنا ~~
بالنسبه للفندق ..
قيمه الليلتين 2 مليون و490 الف
يعني ب 810 ريال
ودفعنا تامين ع الثلاجه 600000 روبيه
وحلاه الفندق تحتك السوق فكنا بعد المغرب ننزل وناخذ لنا لفات عديده
ولو فيك حيل شويونه تمغط رجولك وتروح لشارع الجنز
البضاعه هناك لايغرك طريقه عرضها ورخصها تجنن وباين خامتها جيده
اصبحنا اليوم الثاني وما افطرنا فطورهم دقينا ع ايدي وخرجنا ماندري وين نروح
قال اوديكم الشلال قلنا يله مع اني متعقده من المشي بعد شلال بونشاك
وصلنا الا قالو الدخول ب 90 للنفر !
حسيناها مره مصاخه بدفع 90 ولسه امشي لين نتكسر
مشينا وتركناهم والمشي بالسياره لحاله متعه والله لانك تشوف الخضره بكل مكان
واثناء م احنا نتفرج بهالخضار
الا نشوف !! نحل
وتفاجئنا لان ماقد سمعنا بعسل اندونيسي
قلت لزوجي انزل شوف وش يقولون نزل ابونا وايدي وتاخرو
وجاب لي قطعه شمع وربي حلاها مو طبيعي طعم طعم لابعد درجه
اشترينا منهم قارورتين عسل كبر الوحده قد علبه المويه ام ريال كلفتنا 250 الف روبيه
وتستاهل القيمه من حلاتها
وبعدها قال ايدي اوديكم البحيره
قلنا يله ودنا ومعانا فطورنا اصلا لاننا مافطرنا بالفندق
وصلنا والقينا طاولات وكراسي جلسنا وفطرنا
وبعدها اخذنا جوله رجليه
والمطر يهطل
وبعدها كنا نفكر نروح نتغدا في مطعم لكن كنا شبعانين للغايه
قلنا لايدي خلاص نروح نقص تذاكر القطار لان بكره الصبح رايحين لجاكرتا
قصينا التذاكر وحسبو تذكره لعلي كمان
وحاسبنا ايدي وقلنا له خلاص الوجه من الوجه ابيض الله يحفظك :biggrin:
الله يقومك بالسلامة يارب وتفرحي بشوفتها. سليمه معافاة .
ويحفظ لك أولادك وربي يحفظكم لهم وتاخذيهم معاك وتكون أحلى رحلة .
وأي استفسار عن ماليزيا أبشري .
ويحفظ لك أولادك وربي يحفظكم لهم وتاخذيهم معاك وتكون أحلى رحلة .
وأي استفسار عن ماليزيا أبشري .
الصفحة الأخيرة
بحول الله ماليزيا بالخطه بس بنتاخر بالسفر شوي عبال اولد وتكبر فصعونتي واقدر اسافر فيها هي وعلي