اية احسن اماكن لتعليم اولادنا حاجة مفيدة تنمى مواهبهم للمصريات خاصة ومن الجميع عامة

السلام عليكم



انا عندى فكرة وياريت الاقى قبول نفسى اعمل فايل او ملف نجمع فية الاماكن ال ممكن نودى اولادنا فيهم مش للعب بس لتعليم حاجات تفيدهم وياريت تكون الاماكن دى ف مصر او الاخوات ال من الدول الاخرى تساعدنى بافكار على الاقل

انا عندى بنوتة اربع سنين ربنا يخليها

انا مشكلتى ان بنتى شقية جدااا وانا كل تفكيرى حاليا نفسى اشغل يومها بحاجة غير الحضانة

انا اقصد العبها رياضة ادخلها كورس حاجة معينة

ف اماكن لتعليم الرسم ولعب بالصلصال وحاجات كدة زى ورش

انا نفسى بس لو حد هنا مشارك لاولادة ف حاجات زى كدة يقولى الطريق

حاجة او مكان ينمى موهبة عندهم خصوصا الاطفال ال سنهم لسة بدرى على المدرسة

انا حاليا بحاول معاها احفظها قران والحمد لله بتستجيب بس عايزة جنب دة كلة حاجة تفرغ فيها طاقتها وتكون مفيدة مش مجرد لعبة

طيب اية احسن رياضية لبنوتة ممكن اشترك فيها؟؟

انا كان نفسى العبها بالية لانى اعرف انوة من' 4 سنين عايزة العبها مش بقصد الاحتراف بس عايزة حاجة تعملها رشاقة دايما وتخليها تتعود تمشى بنظام معين بعد كدة ف حياتها

كنت سمعت ان نيلى كريم فتحت مدرسة لتعليم الاطفال البالية بس مش عارفة اوصل لعنوان المدرسة دى فين

يعنى اتمنى تكون الفكرة وصلت

ونخلى هنا زى ملف للافكار دى

وانا حبدا مثلا زززززززز:26:

سمعتوة عن كورس youthy math ال بيتعمل للاطفال؟؟ هو كورس بيتعمل ف كل الدول الاجنبية ودخل الدول العربية كمان تحت اسم اعتقد 00عقول99

دخل مصر من سنتين وهو عبارة عن كورس لنوع من انواع الرياضة العقلية للطفل

بيدربهم على العمليات الحسابية بطرق معينة وبعد الفترة ممكن الطفل يعمل العمليات دى بسرعة باستخدام عقلة من غير ورقة وقلم حتى

وبيقوى عندهم الملاحظة

انا كنت هشترك فية بس للاسف سن بنتى صغير عايزين من 5 او 6 سنين على الاقل

قاللوى على الاقل بيكون بيفرق ف الارقام وفاهم يعنى اية جمع وطرح وكدة يعنى

والكورس دة 12 مستوى على 3 سنين

وال عايز اى معلومات عنة يقولى

يعنى حاجات زى كدة حتى ممكن يساعدنى ونبدا نعمل ملف كدة؟؟

اية رايكم

منتظرة