سلام عليكم
ازيكو ياحريم
والبنات ايش اخباركم
بدون مقدمات
ابي استفسر
للانانيات
ربي منعم عليكم نعمة الزواج والخلفه ورا ماتسكتون وتقدرون النعمه وتحسنونها! :mad:
ليه تحبون تضايقون خلق الله الى الان !
كتبت موضوع من قبل يشكي من هالحال
لكن الفئه اللي انصحها فئة عنيده ويبيلها قرصة اذن من فتره لفتره
:angry2:
مثلا
تجي الضعيفه الي الله ماكتب لها يكون عندها عيال بالمنتدى تبي تفضفض وتشكي الحال على اساس حنا خوات ونفهم بعض ونبي نساعد بعض
تقول التالي:
(بنات انا مو حسوده ولا انانيه لكن عندي مشكلة تاخر الحمل واتضايق اتحسس لما زوجي يلاعب اطفال خواته او يجون اطفال بالتلفزيون وخوات زوجي يقولون ياحلاته ويازينه
او لما يلاعبون عيالهم قدامي انا وزوجي
او يتكلمون عن الحمل والم الولاده وعن اعمار الاطفال
مااحسدهم بالعكس اتمنالهم الخير لكن وضعي يجبرني اخذ بخاطري ابيهم يراعوني
يخففون من اللعب مع عيالهم قدامي انا وزوجي )
وتأتي الخاليه من الذرابه وتقول التالي:
(معليش يعني تبغينا نجلس ساكتين
ونخبي عيالنا ومانلاعبهم
انتي حساسه زياده عن اللزوم
ومشكلتك نفسيه الله يرزقك) << خدو بالكم اصلها بتدعيلها بعد كل التهزيء دا :09:
تخيلو هذا يكون رد لانسانه عانت من تاخر الحمل او الي عانت من تاخر الزواج تقريبا تلاقي هذا النوع من الردود
انا بفهم شغله
يلي تردين هالردود الي مافيها سنع
منهو جبرك تردين!
يعني شياطينك لهدرجه مقويه وتبيك تاذين خلق الله :30:
والله عيب
انتي ماترضينها لاختك او لنفسك احد يسمعكم هالكلام او وحده ماتراعيك بجمعة حريم
بعدين تعالي هنا
اللي عندها تاخر بالحمل او الزواج غصبا عنك تراعينها
هذي انسانه زيك زيها ويمكن احسن منك لاتحسبين نفسك متفوقه عليها
ترا هذا كله ارادة الله سبحانه وتعالى مو تفوق منك :mad:
وتكفين عاد يلي تحبين بزارينك وتحبين الحمل والولاده ومشاعر الامومه طاااغيه عندك لدرجة ماتقدرين تقفلين فمك ساعتين وانتي بجمعه مع بنات يعانون من هالظروف
ياخوفي بس كله تمثيل وعيالك ماتدرين عنهم !! :mad:
يختي دلعي عيالهم بوسي فيهم لين الصبح ..تكلمي عن الزواج والامومه لكن اذا كنتي قاعده مع من تعاني حاولي تكبحين هالكلمات الصاروخيه
وقدري غيرك
ترا الدنيا دواره
والله يعرف نيتك
اذا مالقيتي عقابك بالدنيا بتشوفينه بالاخره
ارتقي وخليك مراعيه لغيرك
لا تصير اهتماماتك سخيفه
لسانك انطقي فيه الكلام الي يريح ويشيل هم اخت تعاني الامرين يصير ربي يعطيك على قد نيتك ويكتبلك الاجر ويوفقك بدنيتك.
ترا موضة ام العريف صاحبة الردود القويه والله راحت
الناس تثقفت وصارت تعرف شلون تتكلم وانتي ماغير نتخيلك امنا الغوله عاصبه راسك ومعاك خيزرانه وتهاوشين المساكين :mad:
والبنات الطبيعيات رجاء خاص لا تشجعون هالفئه
لاني اشوف المواضيع اللي مرادها كتابة (العضوات صاحبات الردود الحلوة )
كاتبين اسامي العضوات الخاليات من الذرابه :eek:
ترا بكذا تكبرون روسهم
اذا عجبك رد لها بمشكله وحده هي فعلا غلطانه من ساسها لراسها وخويتك هاوشتها مو معناته ان كل ردود خويتك سنعه.. تاكدي اولا بعدين توكلي وقولي والله فلانه ردودها تعجبني
يابنات
المراعاة المراعاة المراعاة
لو انتي بجمعة حريم ووحده فيكم ماخلفت
الحريم بيهذرون عن الحمل والولاده وانتي معاهم
طب واللي ماخلفت تجلس ساكته ! :(
تراه موقف باايخ ومحزن ومحد يرضاه لنفسه
احرصوا تتفهمون غيركم
انتي تروحين جمعة حريم ومعك عيالك وتهذرين اي كلام واحتمال يكون جارح او يضايق لو شوي وحده محرومه
تروحين بيتك تنسين كل شي صح؟
لكن اللي كانوا معاك وعندهم ظروف خاصه وسمعوا كلامك والله ماينامون الليل :(
ياثر فيهم لو كلمة
معالجة المشاكل ماتكون بالصراحه الجارحه او عدم المراعاة
كوني قوية بانك قادره على اعطاء كل شخص اهتمام ومعامله زينه ترضي ربك
هنا القوة
مالي مصلحه بالموضوع
لكن الحال زااااد عن حده سواء بردود البنات بالمنتدى او بالعالم الواقعي الملموس
اتمنى تفهمون كلامي زين
مواضيعي اغلبها مجرد تنبيه لكن تنبيه له تاثير كبير جدا
وسلامتكم
Aشاي اخضر بسكرA @ashay_akhdr_bskra
عضوة مميزة
يلزم عليك تسجيل الدخول أولًا لكتابة تعليق.
في جزيرة ها دئة
•
صوح كلامك يا قمر 000والادهى من هذا وذاك لما ترد وحده رد مو كلاس ابدا ويجون اللي بعدها يمشون على خطاها 0000اموت واعرف ليش 000لدرجه دي ماعندهمش شخصيه امال ازاي فاتحين بيوت وبتمشوا حياتكم ياقمامير وانتم مالكومش شخصيه بتميزكم
بارك الله فيك واحسن الله اليك كلامك في الصميم ومن زمن مشفت موضيعك ترها حلوة والله يوفقك ويسر امرك
الصفحة الأخيرة