sama_sehab :

وده رابط موضوع الريف تقدري تكمليه http://forums.hawaaworld.com/showthread.php?t=2158300 كمان الرابط ده ممكن يفيدك عن راس البر http://forums.hawaaworld.com/showthread.php?t=2154896 وبورسعيد http://forums.hawaaworld.com/showthread.php?t=2156372 XXXXX ممنوع الدعاية الى منتديات أخرى

وده رابط موضوع الريف تقدري تكمليه http://forums.hawaaworld.com/showthread.php?t=2158300 كمان...

neesah :

حبايبي المصريات لا تزعلو ... انا سافرت مصر مرتين ... فيها ناس عندهم عزة نفس وكرامة وأخلاق عالية وفيها ناس بيستغلوا وجود سياح بطريقة وحشة الله يهديهم ... يمكن انتو ما تحسو بالشي دا لأنكم من أهلها بس لو كنتو مكاننا كنتو حتفهمونا ... حتى في بلدنا في ناس بتستغل السياح ... يعني كنا زمان نروح (أبها) وهي بلد سعودية سياحية وبطلنا عشان ارتفاع الايجارات للسياح ... الأخت السائلة ... جربي وروحي مصر وابني رأيك بنفسك .... يمكن احنا صادفنا ناس وحشة عكننو علينا التمشية بس يمكن انتو لأ .... أحلى شي في مصر لمن تتمشي عالنيل برجلك ... والمطاعم (أكلنا عندهم كتير ماجانا مغص معوي ولا شي .. يعتمد على المكان) .... الأسواق .... الملاهي .... حديقة الحيوان ... المسرحيات السينما .... راس البر والإسكندرية بس اعملوا حسابكم في الأسعار ترى زينا ويمكن أغلى شوية بحكم انه عندهم أسعار خاصة للسياح وعادة بتكون زيادة عن اللزوم ... المواصلات يفضل تتفقوا مع سواق واحد يوصلكم ويجيبكم بس يكون أمين لأنه في سواقين الله يهديهم كانوا ياخدو السعر عالي جدا ... رحت انا وزوجي من الفندق لسيتي ستار بخمسة وعشرين جنيه بعدين وحدة مصرية الله يرضى عليها قالت لنا المشوار المفروض يكلف 3 جنيه بس ... بس ارتحنا لمن اتفقنا مع سواق الله يذكره بالخير كان مصري وطيب مرة .. حتى كان في مشاوير يقولنا ممكن تروحو برجلكم لأنه قريب وفعلا كان كلامه صحيح .. انتبهو من اللي يوقفوكم في الشارع ويسألوكم سؤال ويقولوكم فزتو بإقامة في فندق وكده لأنها اساليب إعلانية ... يعني يتفقوا معاكم على مكان ولمن تروحو يقعدوا يسوقوا لفندق أو مكان سياحي .. يعني تضييع وقت عالفاضي غير كده ... مصر حلوة انك تقدري تتفاهمي مع الناس ولسانهم حلو وكل شي عندهم فيه ديليفري ... يختي عليهم :) اندونيسيا انا ما رحتها لكن رحت ماليزيا ... اذا تحبي الطبيعة روحيها ... أهلي راحوا اندونيسيا وعجبتهم الشلالات والأشجار بس يقولو في وزغ كتير حتى في المطاعم تشوفيها ... يعني كل بلد فيها الطيب والبطال يعتمد على الأشياء اللي تحبي تسافري عشانها .. ماليزيا طبيعة رائعة وشوارع نظيفة مرة وأمطار بس أهلها دمهم تقيل شوية وجديين عكس المصريين كليا ههههههههه رحلة سعيدة ان شاء الله

حبايبي المصريات لا تزعلو ... انا سافرت مصر مرتين ... فيها ناس عندهم عزة نفس وكرامة وأخلاق...