شوفي ياقلبي بتكلم عن تجربه اخوي ساكن فوق اهلي شقه مستقله وجنبهم ناس وفوقهم ناس كمان واهلي تحت لهم مدخل ومخرج خاص لاطلعو محد درى عنهم ولارجعو كذلك زوجته تجي الاختبارات تنزل الولد تحت وتذاكر واهلي وربي مايقصرون يرسلون لها اما الغدا او العشا لاراحت جمعه حريم نزلت ولدهاا امي لهاا جمعاتهاا وجيرانهاا وناسهاا وهي كذلك ماتعدم امي الاناادرا وفي العشيات الكبيره وامي نفس الشي الا اذا اخوي نزل ونزلت عاادي هي تحلف بالله ان لولا الله ثم اهلي ماعرفت وش تسوي واعيييد واكرر الخصوصيه مهمه ولازم نعطيهم جوهم السلبيات ان مشاكلهم لازم يوصلوهاا تحت اعتمدوو على اهلي بكل شي يعني تحسونهم ماعااد يعرفون يتصرفون الا بشور اهلي طبعاا همً تزوجو صغار اتوقع نااقصهم خبره بالحيااه وبسسس حباايبي🌹🌹

سلبياته اكثرر من ايجابياتهااااا بالنسسبه لي
لان زوجي لاصصق فيهم 24ساعه وساحب علي
وانا ماحب انزل كثيرررر خلك بيعد غلاك يزيد
كثرررت الاجتماعات تسببب مشاكل

والله انا في الرياض واهل زوجي في الخرج وعندي شقه في الرياض وملحق غرفه وحمام ومطبخ صغير في نفس بيت اهل زوجي ا لازم3 ايام في الاسبوع اكون في الخرج والباقي في الرياض. وبالنسبه لاهل زوجي ملتزمين دينين واذا رحنا عندهم ندخل ونطلع وناكل لوحدنا احيانا ابدا ميتدخلون بخصوصياتنا. بالعكس مشفت منهم غير الكلام العسل وقربهم يسعدني جدا حتئ لو سكنت طول العمر بس في شي مضايقني ان لو نزلت تحت لازم نصير الطرحه علئ طول براسي عشان اخوانه واخواته معاي جدا طيبيات بس لو رحت معاد يتواصلو معي حتئ واتس بس اخته الي بعمري اخذتي رقمي البقيه لا لاكن للامانه مقد شفت منهم اي شر

اول ماتزوجت سكنت لوحدي بعيد عن اهل زوجي والصراحه كنت احبهم وكنت عااايشه بخصوصيه وهم الصراحه كمااان يحبوني لكن امه شويه احيان بسبب الغيرة تتكلم على امي بطريقه مو تمااام  عند الناااس وبعد مايروحون الناس تجي تعتذر وانا اسامحها بقلب طيب يشهد الله لكن بعد عشرة سنين اضطر زوجي واخوانه المتزوجين  انه يبنوا ونجتمع مع بعض  وهنا تحولت حيااتي لجحيم بتقولوا لي ليه باقول لكم 
طبعاً وانا نازله من بيتي باروح اتقضي للبيت اواي مشوار تسمع طرق نعالي تفتح البااب وتقول وين رايحين اقول لها السلام عليكم كيفك وابغا اجاااوبها هذي تعيد وين رايحين وتكرر اقول لها تفضلي بالمكان الفلاني رايحه تقوم تقول ليه ماقلتي من اول مش بحاجتكم اسكت ودائماً كل خرجه بذي الطريقه حااولت اخلي ولدها دايماً يوديها عمرة واحتسب الاجر باني اخلي الام مع ولدها يروحوا لمكة لان زوجي من احب ابنائها واقوم اقول له وديها السوق واحياان يروحوا مطعم لكني غلطت بذا الشي مابين بعينها وصاارت غيرتها على حسد وحقد وانا بين سلفاتي تجرحني باهلي وتذمهم وتذمني وتتكلم على ولدها رغم بره لها هو ايضاً ماسلم من لسانها وعندها كيد عمري ماشفت وحده مثلها اذا اذتني بلسانها كنت بالسنين الاولى من سكنا مع بعض اسكت لكن والله يحز بخااطري  ويبين بشكلي فهي ايش تسوي بس اطلع البيت تروح تكذب عند زوجي زوجتك اشبها زعلانه ووووو وانا الله يشهد ماكنت احكيه اقول امه وماابغا اضايقه لكن لمن جااني القولون وووووو امراض لاحصور لها صرت اقول له ويقول عااايدي انتي حساسه وهم كذا طريقتهم عاايدي اقول له هذا سب سب يقول انتي سمحتي لهم بعكس بااقي سلايفي من جماعتهم وشخصيتهم زيهم وازواجهم قوايا ماتقدر فيهم وصار اذا اهلي عزمونا تخااصم ولدها  وتسب ليش يروح وهو صار يتحاشي الروحة لاهلي احياان يمر شهرين اذا ماقلت له سلم مايسلم 
اطلت عليكم لو كتبت من اليوم لبكرة ماراح اوقف
حسبي الله ونعم الوكيل  

فيه مفهوم غلط قاعد ينشئ بيننا وبين بناتنا العرايس الجدد
اول شئ البعد عن اهل الزوج مو عيب ولا حرام !
وفيه نقطه مهمه جدا هم أهل زوجك مو أهلك هذي حطي فوقها الف خط ...
الشئ الثاني
مو لمن ابتعد عن اهل زوجي يعني خلاص كفرنا وقطعنا ما امر الله به
الانسان له خصوصيته وله حياته بعيدا عن اهله وقرايبه
ايه اهلي
ايه احبابي
ايه اقوم فيهم وماخليهم محتاجين لأحد
لكن انا ليش تزوجت !
عشان اسكن معاهم وابقى معاهم ؟
لو قالك زوجك قبل الزواج مارح احط لك شقه ورح نبقى في بيت اهلك بذمتك ترضينها ؟
اذا رضيتي سنه ولا سنتين مارضيتي باقي العمر ولا هو رضى باقي العمر
اهلك تحبينهم ويحبونك بس لمن تتزوجين تستجد امور كثيره وكبيره تخليك تكونين بالغصب انسانه مستقله ..
مو موضوع بر ولا عقوق ولا كما تدين تدان !!!
مشكلة أختك تعودت عليهم وعلى اصواتهم وعيالها مثلها فقط
مو معناته ان الي سوته غلط لا ابداااا مو غلط هذي الحياه الصح وهذا الي كان ممكن يصير من قبل يدخل عليها ومن قبل تنجب له عيال ..