ام طواطيح وقباقيب :

الله يعين

الله يعين

ام مشاري0 :

انا لي سنتين من يوم تزوجت ببداية زواجي كنت ساكنه لحالي واهل زوجي لحالهم وللعلم اهل زوجي ماعندهم الا ولد واحد بس اللي هو زوجي بالبداية كانت علاقتنا ممتازه ورسمية ماكان بيننا زعل ابد وزوجي مو مقصر معهم أبد بكل شي بعدها كلمني زوجي انه بيحط امه وابوه معنا بالبيت..بصراحه مارفضت قلت امه وابوه مابقول له لا قلت من باب الاجر لانها وحيده وكبيره في البداية كنت اتضايق لاني ماكنت اخذ راحتي بالبيت بس قلت الواحد يتعود معليش بديت اتعود عليهم في البيت مع اني كنت مرتاحه وانا لوحدي بعدين بدت المشاكل بسبب التدخل كانت ام زوجي تبي كل شي بوقته تبيني الصباح ما أنام والغداء يوميا طبخ مايحبون أكل المطعم بعد الغداء مباشرة مافي راحه لازم انظف المواعين واخلص المطبخ بالكامل وبعده البيت تبيه يكون يلق وانا متعوده بعد الغداء اقعد مع زوجي شوي قبل مايروح الدوام وببعض الاوقات انشغل مع ابني ولو قعدت شوي تقوم المطبخ وتنظف وبعد ماتخلص تسوي حالها تعبانه من كثر الشغل وتصيح من ظهرها..ويجي زوجي من الشغل وتقول له شوف نظفت المطبخ وجليت المواعين وبعدها تدخل غرفتها وماتطلع تقول تعبانه..ويجي زوجي معصب ليش متعبه الوالده وانت عارفه انها تعبانه ليش تخليها تشتغل..وكل اسبوع اتزاعل انا وزوجي بسبتها. وبايام يكون البيت كله شغل ومعفوس فوق تحت واكون مشغوله بتنظيف البيت والملابس بالغساله والمطبخ مليان مواعين وانا حالتي حاله ابي اجلي وابي انظف البيت واغسل الملابس وابي اكنس وامسح>>وانتو ادرى بشغل البيت وابني كل شوي يبكي مره اغير له ومره أأكله ومره انيمه وهي تكشخ بغرفتها بعد العصر..وتجيني وانا حالتي حاله من الكرف والحوسه وتقول لي روحي تروشي والبسي>>فكوني عليها اقول لها وراي شغل بكمل وارجع اكشخ وزوجي توه مايجي الا على 10الليل ليه اكشخ الحين بعدها تقعد تناظرني مستغربه كاني شغاله يعني انها متكشخه وانا مكروووفه ولما أكون أجهز للغداء او العشاء هي تاخذ الصحون والكاسات والملاعق وتحطهم عالسفره بس ماتعمل حسابي تحط لها ولزوجها وابنها في البدايه ماكنت ادري انها تتعمد احسبها تنسى..صرت كل ماأقعد على السفره ابغى ملعقه او كاسه انا ماعندي شي ارجع اقوم واخذ لي ويوم كلمها زوجي تقول انا تعبانه انتم تحبو المشاكل ووجع القلب حتى بطلعتي تسوي لي مشاكل الا تبي ابني عندها..وهو ياقلبي ياحبه للطلعات ولما ابغى اتركه بالبيت معها تقول لي انا بطلع معك وبعض احيان اكون في المطبخ وابني يبكي اخذه واعطيه لها عشان اكمل طبخ تقول انا تعبانه ماتحمل حتى النوم تبيني انام معهم بنفس الوقت >> يعني من بعد الساعه 11 منع تجول واذا قلت لها مابغى انام واقعد في الصالون كل شوي تطلع من غرفتها تقعد تناظرني وسوت لي مشاكل مع زوجي وكانت مبسووطه انه مزاعلني وانا ياغافل لك الله مادري وش اللي صاير مادريت الا يوم كنت عند اهلي وانا في السياره معه مروحه عالبيت وهو شكله معصب.. انا اتكلم معه عادي واضحك وهو مايتكلم قلت له وش صاير قال لي مافيني شي>>انا على بالي معصب من الشغل ويوم وصلت البيت الكل مايكلمني..وكنت كل ما ادخل غرفه وام زوجي فيها تطلع منها بعدين قلت لزوجي وش اللي صاير وش سويت لكم عشان تعاملوني بهالطريقه قال لي ان امه كلمته وقالت انك غلطت عليها وزعلتيها وهي سامحتك !!! وانا والله مادري بشي ..قلت له كل هذا انا سويته.. وطلعت عندها وكلمتها وقلت لها لو في مشكله تعالي كلميني مو تسوي مشاكل وتقولي لزوجي لا تكلمها انا سامحتها وبعدها صارت علاقتي رسميه جدا معها ماأتناقش ولا امزح والا اخذ واعطي معها بكثره كلمه ورد غطاها وانا استاهل لاني طيبه والطيب دووم ينظلم

انا لي سنتين من يوم تزوجت ببداية زواجي كنت ساكنه لحالي واهل زوجي لحالهم وللعلم اهل زوجي ماعندهم...