وانا بعد محتاره كل يوم بالنت أدور افضل غساله مع مجفف ياليت تساعدونا ومشكوره للي طرحت الموضوع

غسالتنا ال جي ٢ في ١
راااااحه مررررره
اما النظافه لك عليها طبعا العاديات ام حوضين انظف منها لكن هي اريح منهن
غسالة الصحون أريستون ممتازه وتريحك من ثلاث ارباع المواعين

غسالة الملابس من ال جي علويه 7,5 كيلو اوتوماتيك جدااا رائعه ماشاءالله تبارك الله
مجفف الملابس من سامسونج 8 كيلو اللي مايحتاج تصريف وماشاءالله تبارك الله برضه جيد
غسالة الصحون من ال جي واكثررر من رووووعه ماشاءالله تبارك الله
سبحان الله وبحمده ,, سبحان الله العظيم

غسالة الملابس ادميرال امريكية ماتذكر بكم اخذتها من 13 سنه حجم كبير 12 كيو ياقلبي عليها دخلت بيتي قبلي يعني مع تجهيز شقتي وماندمت اني اخذتها كبيرة لانه الحين صار عندي 3 اطفال وانا وزوجي وماشاء الله تبارك الله كانها جديدة ولا عمرها اختربت وصيانتها ممتازة بمجرد تتصلي عليهم يرسلون لك الفني وهو يصلحها بس عيبها انه تجفيف 80 بالمية

النشاف اندست ممتاز ماركة ايطالية اخذته 7 كيلو حجم صغير لانه ماعندي مكان للكبير ممتاز ماشاء الله وهادي ماله صوت سعره اتوقع 1400 تطلع الملابس مكوية وحارة وعلى الدولاب على طول ماعدا الثياب لازم لها كي لها عندي 7 اشهر ويارب تعمر
كنت ابغى نشاف ادميرال بس مافي منه صغير

غسالة الصحون ناوية على ويرلبول وان شاء الله تكون زينه

غسالتي ونشافتي كالفيناتور ام دورين تجنن وتنشيفها خيال ١٠٠ ٪ ولها تقريبا سنتين من احلى مايمكن تنفع للشقق الصغيره هي تغسل ١٠ كيلو وتنشف برضه ١٠ كيلو واغسل فيها حتى البطاطين واللحف

سيئاتها دورة الغسيل للملون احسها قصيره لان الان عندي بنتي صبوحه اللي يصلحها فملابسها لازم اغسلها مرتين عشان تنظفويعني لازم اقعد قريب من الغساله عشان لحضة ماتفكر تروح لمرحلة الشطف افرها عالغسيل مره ثانيه