كيفكم حوائيات
حنزلكم اليوم طريقه الايدام اللي سويتو
ترى توني مبتدئه
في الطبخ وسواليف المطبخ
بس عجبني ذا الايدام وقلت انزلو للحوائيات
مآآآآآآآآآآآآره بسيط
المقادير + الطريقه << مع بعض ^^
1_ بصل + فلفل حار+ ثوم + فلفل رومي = نفرمها مع بعض ونكشنها مع زيت طبعا في قدر طبعا^^
2_ دجاج فيليه قطعي صغار وغسليه بليمون وصفيه وحطي فوق كشنه البصل في القدر كمان ^^
3_ بطاطس + جزر = قطعيها بالشكل اللي تحبي وغسليهم وارميهم فوق الدجاج في القدر نفسو
4_ نخلي الخضار تستوي مع الصوص اللذيذ وهو
السر في الصوص اللي حقولكم عليه دحين
جيبي كاسه اي كاسه عندك وحطي فيها الاتي:_
مويا + معجون طماطم+ كتشب+نــشآ + ملح + فلفل اسود+كزبره مطحونه مجففه من السوق جاهزه+ عصير ليمونه
اخلطيهم سوى
بعدين كبيها في القدر و قصري النار وخليها تتسبك على نار هادئه نص ساعه كذا
قطعي فلفل رومي صغار وحطيه اخر حاجه عشان يحتفظ بقرمشتو ويعطي ريحه حلوة للطبق
وخلصنا
قدمي مع الرز او الخبز براحتك يعني
في النهايه طلعتي بطبق مره لذيذ+ صحي+ سريع+ مواعين قليله
< الفرامه + السكين+ البورد كتينق+ الملعقه الخشبيه حقت التقليب+ كاسه الصوص>
وبالعافيهـــــــــ
