اقدم لكم ايدام الكوسة بالتونة....لذيذ وصحي ومفيد جربوه راح تحبوه :)
المقادير:
بصل / ثوم / جزر / كوسة /قليل من فلفل اخضر / طماطم معصور /2 ملعقة اكل طماطم معجون / عدس نقعيه في الماء /تونة /ملح / ماجي / البهارات ( كركم/ بزار مشكل / قرفة / هيل / فلفل ابيض / حولنجان)
الطريقة :
اعملي طريقة الايدام الي انت تحبيه.. وذي طريقتي..
- نحمس البصل والثوم وانا اضفت شوية زنجبيل وقليل من الماجي..
- ثم نضيف البهارات ثم الطماطم المعصور الين يتسبك..
- ثم ضيفي الماء و ضيفي الخضار( الجزر والكوسة والفلفل الاخضروالملح ) وخليه ينطبخ..
- ثم ضيفي معجون الطماطم وخلي الخضار تنطبخ الين تستوي..وفي ذي اللحظة أنا أخذت صورة على الطاير
- واذا استوى في الاخير ضيفي التونة وشيلي الزيت منها وخليه شويه على النار ثم اطفيه.. ودي الصورة أخذتها واحنا على السفرة..
دمتم بصحة وعافية
شكله فعلا شهي
بس ماحب الكوسة خخخخخخخخخ
بجربه ان شاء الله مع البطاطس والجزر والفلفل البارد لاني اعشقهم
تسلم يدك