ايدام دجاج بالزنجبيل باكستاني يهبلبكم خخخخ..من جد يهبل

عندنا مطعم باكستاني في جدة اسمه ( مهران)... الصراحة شغله في الايدامات رووعه خصوصا الدجاج بالزنجبيل

حاولت اجيب طرق قريبه منه لحد ماوصلت لطعم مو مثله 100% بس واجد واجد لذيذ وبينهم شبه:hahaha:



07122011004

نحط المقادير والطريقة بعدها الصور..:27:

المقادير...

_دجاجه مقطعة صغار ..والافضل انها تكون بس صدور دجاج (فيليه) مقطعه شرايح بس ماكان عندي فسويت دجاجه كامله وقطعتها


_زبادي واحد ونص

_ عصير ليمونتين

_بصله كبيرة او 2 صغار مفرومه ناعم

_ ثلث كاسه زيت

_ 4 فصوص ثوم

_قطعة زنجبيل طازج اكبر من كمية الثوم ( كميته حسب الرغبه وكل مازاد ألذ)

_2طماطم مايكون حجمها كبير

_2 ملعقة صلصة

_فلفل قرون حار حسب الرغبه

_1 ونص ملعقة بهارات مشكلة ويفضل تكون حارة

_مكعب ماجي

_ملح

_ كزبرة مفرومه

******

اولا نحط الزيت في قدر عادي عالنار ونحمر البصل ....بعد مايتغير لون البصل نضيف الدجاج المقطع .نقلب شوي.
وفي خلاط البصل او بأي طريقه نكون فرمنا الثوم والزنجبيل طحن او بشر ..ثم نضيفها للدجاج ونقلب..
ثم نضيف مكعب الماجي والبهارات وممكن نفرم الفلفل الحار ونضيفه ونقلب ونتركه يتقلقل شوي

في هذي الاثناء نحط في خلاط البصل او الخلاط الجك..واحد ونص زبادي + 2 طماطم+ 2م صلصة +كوب ماء ونخلطهم ثم نصبها في القدر عالدجاج
نزود مويه لو تحتاج ونضبط الملح ...ونغطي القدر ونتركة على نار متوسطه تقريبا 25 دقيقة او حتى تستوي الدجاج ...

بعدما تستوي نحط الكزبرة او البقدونس المتوفر عندك ونقلب ونغرف ...ويؤكل عادة مع الشباتي والرز الابيض ...
وتفضلوا الصور الخطوات بس مو كل الخطوات مع الشغل نسيت اصور كل شي .. مع الصور النهائية:


هذا البصل والزيت حطيناهم عالنار..

08122011001


وهذي الدجاج مقطعه

08122011002

هنا الثوم والزنجبيل مفرومين بخلاط البصل ولو الزنجبيل مبشور افضل

08122011


وهنا بعد ماضبطت الايدام وقبل اغطي عليه عشان يستوي صورته لكم..

07122011002

وهنا بعد مااستوى حطيت الكزبرة وقلبت وانتهينا..

07122011003


وتفضلوا معنا ومع الخبز الشباتي او الرز الابيض جناااان ماشاء الله
07122011005

07122011004