السلام عليكم ورحمة الله وبركاته
جبت لكم ايدام سمك بالحومر الطعم والشكل ياسلالالالالالام
أن شاء الله يعجبكم وتطبقوه
المقادير:
2قطع سمك هامور بدون شوك مقطع كبير شويه ومغسول
(ممكن أي نوع سمك بدون شوك )
حبة بصلة كبيره
3فص ثوم
حبة فلفل اخضر حاااار
3حبات طماطم مفرومة
كزبرة خضرا
حومر (تمر هندي)
(ملح + بهارات مشكله + هرد + فلفل احمر )
ملعقة كبيره نشا مذوبه في فنجان ماء
الطريقة:
1) أول شي نجهز صلصة الحومر (نضع مقدار من الحومر مع ماء مغلي في قدر ونتركه على النار إلى أن
يغلي ثم نصفيه ) وبكذا صارت صلصة الحومر جاهزه للاستخدام
2) نتبل قطع السمك بعد تقطيعها مربعات (ملح + هرد + فلفل احمر )نتركها 10 دقايق
3) نضع زيت في القدر ونضع السمك عليه وخليه على نار عاليه مع التحريك المستمر الين يتغير لونه
وعالطول نرفعوا من النار ونخلي السمك على جنب.
• ملاحظه اذا ماحركتوا السمك تحريك مستمر راح يلصق في القاع وبعدين راح يتفتت .
4) في نفس الزيت اللي شوحنا السمك فيه (نضع بصل + ثوم + فلفل اخضر حار كلهم نفرهم بالخلاط ونضيفهم ) ونتركه الين يذبل البصل
5) نضيف (ملح + هرد +فلفل احمر + بهارات مشكله ) ونحركهم كويس بعدين نضيف الطماطم المفرومه ونتركها على النار
6) نضيف قطع السمك المشوحه ونحرك بشويش
7) نضيف ملعقة النشا المذوب في الماء + صلصه الحومر )
• صلصه الحومر ماعندي مقدار معين على حسب الحموضة اللي تحبوها ممكن 8 ملاعق او 10 ملاعق او اكثر
على راحتكم ضيفي وذوقي .
8) أخر شي نضيف الكزبرة الخضرا ونتركه الين يستوي السمك ونتقدمه مع رز ابيض أو مع الخبز.
ملاحظات:
• قطع السمك لاتخلوها صغيره خلوها كبيره شويه عشان ماينهرس ويتفتت
• ممكن عمل نفس الطريقه مع الروبيان
* اذا حابين تضيفوا مكعب ماجي على راحتكم
* اختاروا قدر من النوع اللي مايلصق فيه الاكل زي تيفال
هذي الصور
وبالعافيه عليكم
