كايدتهم2007 :

والله صادقة انا جربت معاه هذا الاسلوب ومشي معايا وصار يسمع الكلام وفي بيتي ابدا لايكب زبالة الله يكرمكم او يلعب بالموية او يبهدل مع انه احيانا البهدله في دمه والحركات السيئة بس المشكلة هذا في بيتي بس لاني صارمة معاه في بيتي بس في بيت جدته انواع اللعب وما اقدر مرة اكلمه لاه حتى لو كلمته او بعاقبه يروح يرمي نفسه على جدته يتحامى فيها وانا وقتها مرة ما افتح فمي احتراما لها وحتى في بيت امي نفس الطريقة بالمرة ولما ازعق عليه امي تقلي حرام عليكي وتحضنه المشكلة لما يبهدل امي تتكلم على راسي ولما اهوشه تزعقلي تقلي انا اقلك ربيه مو تصرخي عليه مرة مو عارفة ايش اسوي وهو بكري كمان وامس ضرب جدته والله ماقدرت وضربته ضربة على يده وزعقت عليه وطالع في جدته وبكي ودق راسه في الارض وشالته في حضنها اقلها ياماما طنشيه ضربك ولازم يرتبى كدة تخليه يزيد تقلي لا ما اقدر وصارت تهدي فيه والمشكلة يتمادى في قلة ادبه معاها او مع عمته وخصوصا اذا جدته فيه يوصل تماديه على ابوه او جده اكلمها اقلها ياماما ماينفع تدلعيه كدة يتمادى تقلي طفل ايش فهمه انا فكرت الترم التاني ادخله روضة منها يفرغ نشاطه الزايد ومنها تعديل للسلوك لان بعض المعلمات بيبذلو مجهود رائع في تغيير الطفل هو الان عمره سنتين و8 اشهر والروضة اللي جنبي قابلة فيه ايش رايكم؟؟

والله صادقة انا جربت معاه هذا الاسلوب ومشي معايا وصار يسمع الكلام وفي بيتي ابدا لايكب زبالة الله...