جبتلكم اسهل ايس كريم ممكن تعملوه وفي اقل من خمس دقايق
مكوناته كالتالي:
كوب حليب مكثف محلى
كوب فريش كريم
كوب كريم شانتي بودره
الطريقه:
ده شكل الحليب المكثف اللي بستخدمه
في اناء هنحط الفريش كريم
ونضربه بمضرب البيض لغاية مايتكاثف قوامه
ونضيفله الحليب المكثف
ونضربهم مره تانيه
واخر حاجه نضيفلهم الكريم الشانتي البودره
ونخفقهم لأخر مره لغاية مانتأكد ان كل المكونات امتزجت مع بعض
ونحط خليط الايس كريم في علبه محكمة الغلق
ونحطه في الفريزر لغاية مايجمد ونقدمه
أظن مفيش اسهل من كده