ايس كريم الليمون بالنعناع

من كم يوم سرت باسكن روبنز وكل عندهم ايس كريم بالليمون



وكان خاطري فيه وقلت الا اسوي مثله



وطلع معاي هذا الايس كريم ويسمونه السوربيه sorbet



الايس كريم اللي بباسكن كان من نوعين من الليمون الاصفر والاخضر بس انا ما عندي الاخضر فاستخدمت بس الاصفر



ما صورت الخطوات بس صورت النتيجة



المقادير



عصير 7 ليمونات صفراء



2 ك ماء



1.5 ك سكر



باكيت جيلي ليمون



شوية نعناع




الطريقة




على النار حطي الماي والسكر لين يذوب الماي



وبعدها ضيفي جيلي الليمون لين يذوب بالماي



وبعدها طفي النار وخليه يبرد



بهذا الوقت اضربي عصير الليمون بالخلاط مع النعناع



واضيفي عصير الليمون بالنعناع لخليط الجلي



وبعد ما تخلصين حطي الخليط في علبة بلاستيك بغطاء وحطيه بالفريزر



وتمي حركي الخليط كل ساعة تقريبا 3 مرات



بعدها حطيه بالخلاط واخلطيه وبيصير سائل مثل الكريمة وردي رجعيه بالفريزر لين ما يجمد



وهذي النتيجة















طبعا الطعم لذيذ ، وطعمه ليمون مركز



فاللي يحب الليمون يجربه



طبعا تقدرون تسون الايسكريم من عصير اي نوع من الفواكة تحبون