ايش .................................

هلا العصر الحجري..ربي يهونها علينا يارب...الواحد مفتقد أشياء كثيرة...أهمها لمة العائلة..ووجود أمك...حتى لو ماشكيتيلها همك يكفي تدعيلك وتكوني بقربها...ولا الجمعة والناس وزيارات الصحبات..كنا متعودين أنا وصحباتي نجتمع بعد التراويح يختي جو رمضان تشوفيه في كل شي حتى في الشوارع تحسيها غير...

غير الروحانية وحديث الناس عن رمضان وبس..تحسي رمضان مغير كل الناس...

هذا اول رمضان هنا..والتغيير كبير والفرق شاسع بين رمضان الأهل ورمضان الغربة...

الله يرجعنا كلنا على خير لبلادنا وأهالينا سالمين ومخلصين اللي اتغربنا بسببه.......:26:

طيب ايش برنامجكم متي تصحون المدارس المطبخ العباده النوم خلونا ندردش شوي :26:

يا هلا العصر الحجري

انا بقولك شي لا تخلي الهم والحزن يدخل بقلبك واذكري الله دائما ووسعي صدرك واجرك عند الله

معظم المغتربات اذا ما كلهم يحسو بنفس الاحساس انا رمضان الماضي تعبت فيه وكنت اعاني لان اول رمضان بعيد عن اهلي وكنت ساكنه في منطقه بعيده ولا صوت اذان ولا تلفزيون والنهار كان طويل كنا نفطر الساعه 9

وهذا رمضان الحمدالله معنويات مرتفعه وخاصه ان قريب بيتي في مسجد والمنطقه الي سا كنه فيها وايد عرب ومطاعم عربيه وحلال وصار عندي جيران بس هذا ما يغنيني عن لمه اهلي لكن مهون علي

هلا بك اختي

بشاير وعين حمران ماقصروا الله يجزاهم خير
وكلنا مر علينا اللي مر عليك
وخاصه اول رمضان في الغربه
لكن نحاول نسلي انفسنا ونستغل اوقاتنا باللي يفيدنا مو باللي يزيدنا هم وغم وضيقة صدر
يعني تاقلمي مع وضعك وارضي فيه واقنعي نفسك بما كتب ربي لك
واحتسبي الاجر ولا تزيدن الهم والمسؤليه على زوجك
كوني له خير رفيقه ...نسيه همه وغمه وغربته :27:
اولادك وش ذنبهم تضيق صدورهم اذا شافوك ضايق صدرك ...:(
حطي دائما في بالك ان الام اذا كانت مبسوطه فالاسره كلها مبسوطه ومرتاحه والعكس صحيح

تذكري من غربتهم اطول واصعب من غربتنا :(
فيه ناس تتمنى تروح تزور اهلها ولا تقدر وفيه ناس اصلا ماتقدر ترجع لبلدها
حنا اذا طولنا عن اهلنا سنه والا سنتين ضاقت صدورنا...مع انه غربتنا فتره محدوده وبتنتهي باذن الله
ونسينا اللي لهم سنوات عن اهلهم والا اللي اصلا مايقدرون يرجعون:(


اذا عندك شريط او كتاب بعنوان لاتحزن للشيخ عائض القرني لا تتركينه اسمعيه
مفيد جدا وممتاز للي مثلنا

وبالنسبه للصلاة وصوت الاذان تقدرين تسمعينهم من النت وصلاة التروايح في مكه تابعيها على قناة المجد او التلفزيون السعودي

الافطار الجماعي ماعندك مسجد قريب من عندك ...اكيد يسوون فيه افطار جماعي روحي وشاركيهم وبتستانسين ...

والله يكون بعونك ويفرج همك وغمك
والله يشرح صدرك بالايمان وطاعة الرحمن


واذا ضاق صدرك يالطيبه لايردك الاالنت وعلى طووووووول ادخلي ملتقى الاحبه المغتربين
وباذن الله بتنبسطين :42:

سامحيني يمكن اكون قسيت عليك شوي لكن من معزتك عندنا يالطيبه

سلالالالالالالالالالام

عادي اقوم الظهر..ماعندي أولاد فما أدري عن جو المدارس...أروح المطبخ وأول شي أسويه الفيمتو ههه أحطه في الفريزر عشان يكون شوي مثلج على وقت الفطور...بس عادي يمر الوقت بين طبخ وقراية قرآن وبعد الفطور عبال ما نشرب الشاهي يكون العشا أذن مافي بركة في الوقت يجري جري....وبعدها التراويح وبعدها أشوف ايش عندي غسيل ولا أشياء ترتيب وأجي النت..

:26: