صدوفه :

السلام عليكم اذا تبون كريم اساس للبشرة الجافة اخذوا اي كريم اساس مكتوب عليه كلمة ليفت بالانجليزي Lift او Lifting علشان ما تبين الخطوط الخفيفة اللي بين الأنف والفم ، وهي تطلع بسبب الجفاف ولأن انتم ما تستعملون المرطب لترطيب بشرتكم الجافة وهذا اكبر غلط لأنه راح يسبب ظهور التجاعيد المبكره على بشرتكم . خواتي اذا تبون كريم اساس خفيف للإستعمال اليومي اخذوا كريم اساس اسمه LIQUID LIFT FOUNDATION من ميك اب فورايفر و مميزاته انه يخفي الخطوط اللي بالبشره . وفي ماركات ثانية فيها كريمات اساس للبشرة الجافه وكريمات اساس ليفت للبشرة الجافة بماركات غير فورايفر، انتوا دوروا عنها بالسوق وراح تلاقون انواع كثيره اختاروا منها الي يناسبكم . اما اذا تبون كريم اساس ثقيل للمناسبات اخذوا كريم اساس اسمه cream finish foundation من كانيبو و مميزاته انه يعطي تغطيه ليوحد لون البشره . و مثل ماقلت لكم موشرط تاخذون كانيبو او فورايفر ترى السوق مليان ماركات حلوه واغلب كريمات الاساس تناسب البشرة الجافة، جربوا كريم الاساس قبل لاتشترونه يمكن مايناسبكم، مو بعدين يطيح بجبودكم وتتوهقون فيه وتدعون علي، ترى بروحي موناقصه :) . في شغله مهمه لازم تستعملون قبل كريم الاساس بيس علشان ما تطلع قشور على البشره و قبله استعملوا مرطب للبشره . ادري قرقت وايد ،،، الله يوفقكم ،،، وان شاءالله تستفيدون من اللي ذكرته .......

السلام عليكم اذا تبون كريم اساس للبشرة الجافة اخذوا اي كريم اساس مكتوب عليه كلمة ليفت...