ايش أخبار خلطة الرويس معاكم

كيفكم بنات ان شاء الله بخير
وكل عام وانتم بخير بمناسبة الشهر الكريم
بنات مستمرين على خلطة الرويس ولا تكسلتوا زي عوايدكم :p
يلا يا حلوين اللي اتتظمت عالخلطة تقول وش أخبارها وايش صار معاها وايش الفرق بين كل استخدام والتاني
وطبعا اول وحدة انا بكتب تجربتي
احم احم :hahaha:
طبعا هذا الاستخدام للشهر التاني عالتوالي
واول شهر استخدمتها عادي ما حسيت بشي ولا تغير في الدورة عادي جدا كأني ما حطيت شي وطبعا كان زوجي هو اللي يدهن لي :35: عشان ظهري يكون كامل مدهون ومارح اوصفلكم شكله وهو يشم ديك الريحة اللي تدوخ :32: ومر الشهر بسلام وحان موعد دورتي الثانية اللي جتني الأسبوع اللي فات ورجعن المأسآة لزوجي مع الرائحة الكريهه وبدأت ادهن بس هذي المرة كان يدهن بقوة :16: مدري وش صار له المهم دهن ظهري عادي وبعدين صار يسحب بقوة بيده من فوق الين تحت أتمنى فهمتوا هذا بالنسبة للظهر أما الرحم برضه بعد ما دهن لي صار يضغط عالرحم بقوة ويسحب بس على فوق مو على تحت زي ما تسوي الممرخات , المهم بعد ماخلص يمكن بساعة او اقل جاني مغص خفيف ونزلت الدورة غزيرة مرة لمدة 4 ايام وبعدين خفت وطبعا كنت ادهن بنفس الطريقة يوميا مدري حسيت اني نظفت والله حتى نفسيتي احسها مرتاحة وان شاء الله بستمر عليها وأي تطور راح اخبركم بإذن الله
واللي ما يعرف : أنا أعاني من تكيسات شديدة وارتفاع في هرمون الذكورة وسمنة مفرطة ولي 7 سنين ما حملت
والله يرزقنا بالذرية الصالحة آآآمين