ايش احط على السحور والفطور

انا مثلك محتاره. لاني مع زوجي لحالنا احسه أسهل لكن بنفس الوقت ما اعرف ايش اسوي.

اللي اعمل انا دائما اول شي بعد ما يأذن مغرب أجيب لزوجي يا أما عصير أو قهوه و تمر و سمبوسة لكن ما أكثر له السمبوسه لأنه ما يتعشى بعدها.
بعد ما يروح يصلي مغرب أقدم في الطاوله شربه (لازم يكون في) و الأشياء اللي اسويها للفطور هذاك اليوم. (ممكن يكون رز. مكرونه. لبن مع خبز.) نكمل بعدين أنظف كل شي و اجلس مع زوجي. بعدين نروح نصلي.
في السحور ممكن فطاير. اصعب شي بالنسبه لي السحور ما اعرف ايش اسوي. ببيت أهلي نتسحر فول. فاصوليا. أو أي شي يبقى من الفطور. لكن زوجي ما يحب هذا.
هذا اللي انا مخططه له و ما ادري ايش اضيف ولا اعمل. أتمنى ساعدتك قليل.

بالنسبه للفطور أحط قهوه وحلا وعصير هاذا مهم وبعدها العشاء طبعاً سمبوسه وشربه وفطائر او بيتزا او اي شي جانبي مع طبق رئيسي رز او مكرونه او اي نوع صينيه والي يبقى ارفعه للسحور مع خبز والسحور ممكن تسوين رز وسلطه او رز وأيدام او زي ماتسوين للغدى انا مااسوي لان زوجي عادي عنده

للفطور سمبوسه شاهي تمر قهوه شربه زبادي شريك سلطه عصير تانج
للعشاء كبسه وسلطه الساعه12
للسحور تمر زبادي شريك شربه فواكه عصير
وبيتز ا والفطاير ماناكلهم وسلامتك

الحمد لله أنا السحور ما اشيل همه نأكل شيء خفيف زي الجبنه وزبادي وخيار
بيت اهلي كنا سحورنا أما فاصوليا فول بيض ما في عندنا أن السحور يكون كبسه
ورمضان فرصه لإنزال الوزن وخصوصا إذا السحور خفيف وابتعدوا عن الافراط في الحلويات

افضل شي انتي وزوجك تتفقون على النظام اللي يناسبكم

لاحظت هنا كثير نظامهم مختلف عننا عندهم فطورين ثم عشاء ثم سحور

اما احنا نظامنا فطور وسحور بس
اذا اذن المغرب يفطرون بتمر ومويه ويصلون ثم يجون لسفرة الفطور فيها كل شي طبق رئيسي اما محاشي او هريس او ايدام او صواني خضار او لحم + مع معجنات او سمبوسه او شوربه + مع حلا وعصير

واللي يبقى من الفطور ياكلون منه بعد التراويح او اذا جاعو يعني مو ضروري ينعمل له سفره ويتجمع الكل

والسحور يكون رز او كبسه