ايش اخرتها معاه

احس نفذت طاقتي وانتها صبري كل ما قلت تعدل يصدمني صبرت على البخل وسوء العشره وقلت الاحترام قلت لابد وتفرج والان ٧ سنوات والوضع من سئ لاسواء قرر يبني بيت قلت اصبري عليه وبتحصلي بيت لك ولعيالك على الاقل واهو بقلعته وجتني الصدمه اليوم يبي يبني بيت دور تحت وثلاث شقق فوق والله مدري اهو بيت او استثمار المهم قلت ما علينا دور كويس قالي اساسا ماني حاطك بالدور بحطك بشقة السطح ومعنا كلامه يعني بتزوج واحط الجديده بالدور وانا بيقلعني بالسطح اولا اهانه لي وثانيا بما انه بخيل شقة السطح اجارها قليل بالمقارنه باللي تحت واهو تهمه الفلوس
احس وصلت معي لابوه ولا ابو بيته وانا شايله عليه كثير بالذات بعد ما تسبب بتسقيطي قبل فتره انا اللي انزل الزباله لانه يتركها ما يشيلها معه بالايام قدام الباب وانا ما اتحمل الوسخ فاطر انزلها ونزفة وطلبت منه يوديني المستشفى قال ما يهمني يطيح او يجلس انا ابي اتزوج واجيب عيال من حرمه غيرك واهو عنده عيال من طليقاته على قولت القايل كل ولد من بلد وانا بس ولدين صح انا اكرهه وموقفه الحمل كره فيه لكن شاءالله احمل قلت خير انشاءالله على الاقل اطلع بذر يعزوني بكبرتي وتاملت اكون حامل بنت ولكن بسببه وكلمته اللي قهرتني سقطة بنفس اليوم واهو ولا همه والان سالفة البيت
احس اني اظلمة مع هل الانسان وموب عارف لي قدر وصار همه كيف يقهرني ببساطه لان بعد ما تطلقة منه قبل فتره كل الناس واهله لاموه وصدقو كلامي وكذبوه وانا فعلا قلت الحقيقه واهم اساسا شايفيني وعارفين اني ما قصرت معه واهو اللي اذاني وكلامي عن عيوبه كان مطابق لكلام طليقاته وتزوج بعدي وكان زواج كارثي ما استمر شهرين لانه انسان سئ العشره لا يطاق مع البخل ومو شايف عيوبه
انا بعد سالفة البيت طلبت الطلاق فقايضني انه يطلقني بالمقابل اخطب له بنت الجيران والبنت عمرها ٢٢ واهو ٤١ ومطلق كذا مره وعنده كوم اطفال مدري اهو خبل او مغرور بنفسه بدرجه كبيره يقول مهوب راديني ابوها يعرف الرجال قلت طلقني وسو اللي تبي وبتقولو ليه ما تتركيه وتطلعين لسبب مقدر واللي اهو في طلاقي الاول تمرمطة لين اخذت الورقه وابوي تعب واهو يتصل عليه واهو يتهرب وبعد ما طلب ارجع له حطيت شروط وابوي كان رافض واهو خدعني انه خلاص بيستقيم واقنعة ابوي وبعد ما رجعة لا شروط سواها ورطة معه مقدر ادخل ابوي مره ثانيه ابي اطلع من بيته ورقتي معي ادعو لي ان الله ينصرني عليه واخذ كل حقوقي ماله رادع الله سبحانه