ايش استفادت لمن دعت عليها

السلام عليكم ورحمة الله وبركاته












حبايبي قبل شويه كنت باتفرج قناة بدايه وقريت وحده كاتبه مسج
انا دعيت على وحده جرحتني بموضوع انها اذا قاصده الله يحرق قلبها واذا مو قاصده الله يسامحها
ومامر الليل الا ولدها مات وانا الحين ضميري مره يعذبني

يعني جاها الانتقام اللي تبغاه واتعذبت اكثر
هيا اتعذبت والحرمه اتعذبت
لو كانت دعت الله يهديها او افضل شي الله يكفيني شرها يعني تدعي بالخير لنفسك مو تدعي بالانتقام والشر لغيرك
انا جات عليا فترة انسانه احبها كانت تسمع كلام ناس عليا ومره كانهم ساحرينها ماكنت ادعي عليهم كنت ادعي ربي يزيل الغشاوه عن عينها وقلبها ويوريها الحق حق والباطل باطل يعني دعيت بالخير لها وليا والفايده ليا وهذا اللي نبغاه من الدعاء مو الانتقام واني اروح ادعي عليهم بالشر
دايما الانسان يدعي بلحظه غضب ووبعدين لو اتحقق اللي دعي فيه يندم ويزعل ويحس انه غلط وماستفاد
وهنا كثير اشوف بنات تدعي بادعيه فظيعه على مواقف ماتسوى ومتاكده انا لو اتحققت الدعوه ماراح تحس بسعاده بالعكس حتحس انها سببت كارثه
واذا مو قادره تمنعي نفسك من القهر قولي حسبي الله ونعم الوكيل هذي اقوى دعوده لانك وكلتي عقابلها لله اعدل العادلين

انا احس اللي تدعي وتدعي وتدعي ادعيه مره فظيعه على اي موقف يصير انسانه حقوديه مره بصراحه واخاف منها
انتو ايش رايكم