ايش اسوي؟؟؟؟؟ساعدوني مالي غيركم ( أريد أن أكمل دراستي )

عزيزتي باقولك نصيحه

طالما انك طموحه وودك تكلين دراستك

ليسش محتاره

ما في احد في هالزمن يكتفي بالمتوسطه وخلاص

اذاما معك بكالريوس ودبلوم في الحاسب

تحسين انك ضايعه في الدنيا

وراح يظل عدم اكمال دراستك نقطه سودا في حياتك

واحنا الان كل شي متوفر

مدارس خاصه وحكوميه ومدرسين خصوصين كمان

والله اعرفلك وحده بنتها في اولى ثانوي

وهي في ثالث متوسط

وانقطت عن الدراسه سننننننننننننننننننننييييييييييييييييين

وماشاء الله عليها رجعت وعمرها في بحر الاربيعينات

وكمات تعليمها وودها تدخل للجامعه

وفي مدرسه حكوميه بعد

واذا عن الاولاد

ما فيها شي تقدرين توفقين بين البيت والدراسه







:26:

ياأختي الدراسة موكل شيء في الحياة ولا دامك سعيدة في حياتك الحمدلله والإنسان بأخلاقه مو بالشهادة

والرسول عليه أفضل الصلاة والسلام علم أمة وهو لا يقرأ ولا يكتب

أنصحك تلتحقين بحلقات تحفيظ القرآن ودورات مختلفة في التجميل والحاسب وغيره عشان تطورين ذاتك
وياما ناس معهم شهادات وعقولهم فارغة وناس مامعهم شهادات لكن ثقافتهم عالية

ولاتعذبين عمرك الدنيا ماتستاهل
وهذي لك :26:

المكلاويه : هلا اختي الغاليه ... مشكلتج عااديه واحمدي ربج انهااا عااديه في ناااس مشاكلهم اكبر من جي بوووايد ... شووفي الناااس شو يعاانوون وبتقوولين لنفسج .. لييييييييش انا امتعبه حااالي وافكر وحالتي حاله ... وكليها لله وصديقين اذا الله كاااتب انج تكملين دراستج بتكملينهااا لوو كاان عمرج 50 سنه .. الله يطول بعمرج ان شاءالله ...
اعرف وااااااااايد نااااااااااااااس ما كملوا دراستهم بسبة الزوواج وهذا الكلاام ولكن ربوا اعيااالهم ودرسواا معااهم ... واناا اقوولج مثل ما قالت اختي أخت أخوها اخذي دورااات في الحاااسب ودرواات انجليزي طوري من نفسج ماا يحتاااي شهاااده ... واذاالله كااتب راااح اتكملينها وتدخلين الجاامعه ... حتى لو دخلتي الجاامعه مع بنتج ... ماا فيها شي ... اطلب العلم حتى لو في الصين .... الله يسهل عليج ذكري الله وحمدي ربج انه عندج زوووج فااهمنج ويحبج ... والمبدأ اللي عندي انه اذا كاان زوجج يحبج وكاافنج عن الدنياا .. لا اتفكرين في شي ثااني ترا البااقي سهل ومقدور عليه ... اخذيهاا مني وبتشوفين الدنياا بلوون ثااني ان شاءالله :26:

السلام عليكم......

عزيزتي روما........

بصراحه اني اكمل دراستي حلمي من زمان.......وفعلا زي ماقلتي انه بيبقى نقطه سوداء في حياتي
وماراح انسى طول عمري اني ماكملت دراستي

مشكلتي اني خايفه من المواد العلميه لاني عن جد ماكنت شاطره فيهن ابددددددد

كيف دحين وانا موقفه دراسه 5 سنين

غير انه اولادي ماحد عندي يهتم فيهم وقت اكون بالمدرسه

ايش اسوي؟؟؟؟؟؟؟؟
مشكووووووووره على ردك يالغاليه

.....................................................................

حبيبتي اخت اخوها

اشكرك على ردك اللي يبرد القلب......

لكن تصدقين اني احس الناس تهتم كثير بالمرتبه الدراسيه

حتى لو كنت على قدر كبير الحمدالله من الثقافه بس يعرفو اني من المتوسطه احس منهم نظره غريبه

بينما لو وحده من الجامعه تكون النظره مختلفه تماما

وفعلا زوجي يقول ان الدراسه مو كل شي....... وانا كمان احيانا اقول نفس الشي

لكن وين اودي احلامي........اني ادخل جامعه واشتغل......اش كثر احلامي

مدري والله اني محتاره.......وابغى حل

مشكوره حبيبتي الله يسعد ايامك ويكثر من امثالك يارب


.........................................................................................

حبيبتي قمر الامارات........


ردودك تعجبني كثييييييييييييير حبيبتي

ياريتني قريبه منك عشان تبردي قلبي دايما

الله يبرد عليك دنيا واخره ياااااااااااااارب

كلامك كله صح........لكن المشكله لما اكون عندي طموح اكمل دراستي......وان ماعندي احد ينتبه لعيالي ويشجعني..وبين خوفي من بعض المواد في حال رجعت اكمل دراستي

شكلي يبغالي اروح عند طبيب نفسي.

هذي السنه بحاول اجهز شهاداتي لكني خايفه من هالمواد اللي طول حياتي انجح فيها بالحفه

غير اني كلمت كذا مدرسه وقالو لي ان التسجيل خلص.......زتخيلي

احيانا احس ان الله مايبغاني اكمل كل سنه تتعكبل بشي

دعواتكن


مشكوراااااااااااااااااااااات الله يسعدكن

المكلاويه : حبيبة قلبي ... ليس كل ما يتمنى المرء يدركه تجري الرياح بما لا تشتهي السفن ..
فاا ياا حبيبتي .... لا تكدرين خااطرج مووووووووووووول صدقيني ياا اختى لوو شوو ما تعبتي نفسج بالتفكير مااا راااح يصير الا اللي الله كااتبه ... ليش ما اتحطين في بالج يمكن الله مب رايد الحين ؟؟!!! يمكن عشان تربين اعيالج تربية سليمه وتكونين محاافظه عليهم اكثر وانتي معاهم ... يمكن لما تدرسين تهملين زوجج وما تهتمين فيه وهو يبدا يضاايق واتصير مشااكل وفي هذه الحاله بدل ما تكون الدراسه حلت مشكلتج تكون فتحت عليج بااب صعب انه يتسكر .. واللي اعرفه من حيااتي انه....الا الزوج ...الا الزوج .. لا يتضااايج من حرمته وبيته لانه اذا تضايج رااح يفكر في مكاان ثااني يريح له باااله ... فاا شوووفي حبيبتي وين يمكن توصلين ... كل اللي يجي من عند الله زين حتى لو ما كاان اللي نحن اتمنيناه او اللي كنا نحلم فيه ... الله يعوض بدله شي ثااني صدقيني .. وكليها لله .. ولا تقوولين نقطه سوداء في حياااتي ... صح كلاامج ان هذا الزمن زمن دراسه وشهاادات ولكن اذا ماا كاان مكتوب لج ولا الله رايد لا تضاايجين من قدرج ... بقووولج على حديث قدسي انا سمعته من فتره وسبحاان الله كنت اواجه مشكله ومن عرفت الحديث تغيررررررررررت نهااائيا والله ...وشفت ماا في شي احسن من اني اوكلها لله وارضي بكل المكتوب من دون ما ابدي اي تضايق من هذا الشي...في هذا الحديث الله يخااطب العبد يقوول له : (( عبدي خلقتك لعباادتي فلا تلعب ، وقسمت لك رزقك فلا تتعب، ان قل فلا تحزن ، و ان كثر فلا تفرح ، ان انت رضيت بما قسمته لك ، ارضِ بدنك و عقلك و كنت عندي محمودا ، و ان لم ترضَ بما قسمته لك أتعبتُ بدنك وعقلك و كنت عندي مذموما ، و عزتي و جلالي لأسلط عليك الدنيا تجري فيها جري الوحوش في الفلاء ثم لا يصيبك منها الا ما قسمتُه لك ))

فاا كووني محموده عند الله وأرضي باللي الله كااتبه واحمديه على شي كل شي حتى لو كاان قليل قوولي الحمدالله على كل حاال .. واتركي الدنياا وما فيهاا لله وصدقيني ما بتشوفيني الا اللي يرضيج ويفرحج ...

وصلي صلاة استخاره شوووفي شو راح يطلع لج واهم شي اتبعييه ... لانج اذا اتبعتيه رااح تتوفقين حتى لو ما كاان عااجبج ... ورااح يكوون احلىىى شي في دنيتج لانج استخرتي الله ... واذا الله كااتب لج انج تكملين لو شو ماا كاانت المواد صعبه رااح تشوفينها سهله والله رااح يسهل عليج ان شاءالله في كل حياتج
واناا قريبه منج حتى لوو اني بعيده ... بتحصليني في اي وقت تبينه ان شاءالله .. وايدي في ايدج والحياه بتكون اسهل واللي كااتبهالله لنا رااح يصيبنه .. الحمدالله على كل حال .