ادعي ربك انه يصرفها عنه من غير شر.. وانتي إذا حاولت تتقنص الفرصه إنه يشوفها اديها ذيك النظره اللي تفهمها يمكن تخاف وتستحي وكلمي زوجك البنت تزوجت بحال سبيلها لا تخرب بيتنا بسببها والله يصرفها عنه ياااارب

أنتي موجودة معاها في العزومة ؟

كوني ذكيه سوي نفسك نايمه في العسل غمضي عين وخلي عين مفتحه تراقب الوضع وتسيره لصالحك ، كل ما قلت له مازلت تحبها وتروح وتدور عشان تشوفها كل ما رسخت حبها بقلبه وأقنعتيه أنه مازال يحبها الموضوع لا تفتحيه مع زوجك بتااااتا البنت متزوجه وإنت خلاص تزوجتيه وجابت الفاس بالراس وإحمدي ربك علاقتك مع زوجي نوعا ما ماشيه ومايغلط عليك يعني قادره تنسيه فيها وتحببيه فيك قلب الرجل يسع أكثر من وحده وإنت وشطارتك إذا شفتيه رايح جاي رني عليه كلميه يافلان شايفتك رايح جاي فكرتك تدور علي قلت يمكن محتاج شيء راح ينتبه أنه زودها و الناس لاحظت ويروح إذا شفتيه متشغف يروح لمكان هي فيه قولي له شايفتك متسرع مواعد حد لكون عطلتك راح ينتبه ومع الوقت راح يرد باله لينكشف وبعدين راح يستحي ويقول الناس تضحك علي وبعدين يبطل وتبرد اللهفه و البعيد عن العين بعيد عن القلب يلتفت يلاقيك إنت قدامه فعليك بالصبر والتصبر التوتر والزعل والزن والخصام عشانها هو إلي راح يخسرك زوجك ويكرهه فيك بعد إحتويه تمتلكيه هو وقلبه وأحشاؤه كمان وتنسيه إسمه مو بنت خالته بس فلا تكوني هبله ومتهوره وتفقدي زمام الأمور

كل ذا يصير وانتي تتفرجي كذا ؟
شايفه حركات زوجك وقلة الحيا الي يسويها وصامله ماشاء الله عليك !

والله لو انا مكانك لو اقومها وم اقعدها
يحبها طيب ممكن مابيده شيء شعور غصباً عنه

لكن معليش تصرفاته مو مقبوله ابد
بزر 10 سنوات مايسويها

كيف منظرك قدام امه واخواته وخالاته ؟
تحسبين بس انتي ملاحظه ؟ وهما مايدرون

ع الاقل يحط لك قدر يحترمك يحترم وجودك

ياللللللله موضوعك يقهررررررر
لكن وش اقول الله يصبر قلبك ع هالورع الي ابتلشتي فيه

خلي كل كلام البنات بجنب وخوذي مفيد
اعرف وحده نفس حالتك
وحاولت حتى يوم عجزت ترجع له
خليك قوية وفتحي عين وغمضي عين
وادعي واكثري ان الله يسخره لك ويبعده عنها بس