ايش اسوي مع زوجي

ي بنات انا وربي الي يشوفني مايقول سمينه مو نحيفه مره فاهمات مليانه يعني والي مخرب علي بطني جايبه طفلين وبطني ترهلت وزوجي جنني اذا مانحفت بيتزوج اقسم بالله ي بنات لي سنتين الحين انواع الرجيمات سويتها بطني تخف بس مهي راضيه تختفي وقبل فتره اكتشفته بيتزوج مسيار وعشان الي بياخذها طلعت سمينه بطل الزواج هو قالي جلطني وربي المهم ي بنات جنني بهالسالفه حتى لو اكل شوربه يجلس يناقر يبيني اصوم ع الاكل وكل وقتي تمارين يالله اني اعاني معناه اقوله سجلني بنادي رافض اقوله جيب لي سير بالبيت رافض طيب كيف بانحف كذا حتى الاكلات الي لرجيم مثل السكر حق الرجيم وخبز البر اقوله عنهن يجيب مره وبعدين يسحب انا اقسم بالله تعبت ي بنات مايقصر بالبيت كل مااطلبه شي للبيت يجيبه ومو مقصر ع اطفالي بس ي بنات اسلوبه معي زفت اكثر وقته يجرح فيني والله ي بنات لما يداوم ي ساتر يرسلي كلام انا ماني مرتاح من جسمك انا ماتهنيت عمري بياصل الاربيعين وانا للحين ماتهنيت زي العالم للعلم ي بنات عمره ٣٨ وانا عمري ٢٣ اكبر مني بكثير واقسم بالله ي بنات اني حلوه مو مدح بنفسي بس بشهاده الجميع وشعري كثيف وبياض مدري ليه ماني عاجبته تعبت معه وربي ودايمن يهدد بطلاق اذا مانحفتي والله لاتزوج والله ي بنات نحفت بس بطني مهي راضيه تروح ي بنات ودئما يقولي انا اذا طلقتك ارسل للاطفال مصروف شهري بس ماراح اشوفهم طول العمر لان اتعب لما اشوفهم هذا الي يقهرني اني مااطلبب الطلاق ارحم بناتي
وينات ذاك النهار فصل ع بالدوام ي الله ارسل لي كلام جارح بشكل ماتحملت وانا ادق ع اخوي واقوله كل شي عاد شوي وان زوجي جاي من الدوام وي بنات كان ماساير شي يمزح معي انا ماعطيته وجه وقالي جيعان ورحت سويت له اكل والله ماعمره جاء ومالقا الاكل جاهز بس هالمره عشانه غاثني ونهاري بكا عاد رحت وسويت له اكل شوي وانه لاحقني ع المطبخ وانه يقولي جهزي حالك بعد صلاه العشاء بوديك المشغل تصبغي شعرك قلتله ماابغى مالي نفس
وراح هو ع الصاله سويت العشاء ورحت المطبخ اشتغل شوي وانه جاي يراضيني يقولي والله انك غاليه وعزيزه وانا احبك وماابي افرط فيك بس انحفي قلتله اصلا كلمت اخوي وانت مداوم شوي ويجي تتتفاهم انت وياه وزعل وراح والله ي بنات انا صغيره وسببلي عقده بالحياه وجاب لي القالون وانا اقسم بالله ي بنات مااقصر عليه بشي حتى هو قال لخوي هي محترمه وماتقصر بس انا ابيها تنحف مليت وربي من هالسالفه عاد بعد ماروح اخوي اخذ منامه وراح نام بالمجلس وانا اقوم ابكي بالغرفه وانه جايني ويقول انا والله ماني زعلان عليك انتي احبك بس ابيك تنحفي وان شاءالله حياتنا تزين ومن هالكلام هاذي الاحداث يوم الجمعه يوم السبت صحي بعد الضهر افطر وراح ي بنات ولا يرسل لي ولا يكلمني شوفن واليوم الاثنين المغرب مداوم ولا جاء نهائي اشوفه يحط حالاته طالع البر مع اخوياه مدري وش الحل معه اقسم بالله تعبت ترا فيه شي قلته وشي لا