ايش اسوي مع زوجي جنني باسلوبه ساعدوني تكفون

هلا بنات كيفكم مالي بعد الله غيركم استشيره بمشكلتي زوجي يتصرف مثل الأطفال ومتعبني
احنا الحمدلله حالتنا الماديه كويسه وراتبه 8750 يكفينا ولاعليه ديون بس من 4 شهور هو جالس مع صديقه وصديقه يقول له احنا نكرف بالدوام واختي الصغيره عمرها 24 سنه مطلعه 3200 ريال في ثلاث ساعات قاله زوجي كيف قال له تعلمت تسوي مكياج وشعر وكذا والحين يجونها زباين وعروسات ومن هالكلام
السالفه دخلت براس زوجي بقوه واقترح علي اخذ دورة واصير مثلها قلت له اول شي انا مااحب هالمجال مو من هواياتي ولا لي فيه يادوب احط لي حمره وكحله وكريم أساس وش عرفني بفن المكياج ومو فاضيه عندي ولدين وبنت قال انا امسكهم لا جاك شغل ويزن يزن علي راسي وافقته عشان اسكته بس وقلت له حاظر ومن يومها وهو يزن وانا والله دورت لي من يعطيني دورة بس ماحصلت الي تتعذر والي تقول لازم معاك متدربات والي تقول الدورة ب4000 وطنشت الموضوع
من يومين رجع كلمني وقلت له لا عاد تضغط علي السالفه مو ببالي ولا ابيها أساسا وماحد يجبر احد علي شي وعصب مره بس سكت ومن يومها وهو منكد علي كان يدور شقه غير شقتنا لانها صغرت علينا واساله يقول لي خلاص بنقعد مابننقل وكنت ابي السوق بقضي للبنت ثياب وقال لي وقت ثاني مو فاضي لك ومن يومها واخلاقه خايسه معاي مره وش اسوي جنني بضغطه علي وش اسوي هل ارضخ له واجبر نفسي علي شي ماابيه او اطنشه مع العلم هذي ارزاق من رب العالمين ممكن اخذ دورة ومايصير عندي زباين يعني مش شرط اصير زيها والكل يجيني واطلع مبالغ كبيره زي ماهو مفكر وش اسوي محتاره مره انصحوني تعبت نفسيتي
شكرا لصاحبه المعرف والله يرزقها ويرزق كل وحده ترد علي فرحه ماتنتهي يارب