ايش اشتري من ماليزيا؟؟؟بليز ردوابسرعة!

سفره موفقه اختي

انا من رايي لاتاخذين ملابس و مواد تجميل لانها متوفره عندنا بالخليج الحمدلله ما عدا الماركات اللي مب موجوده مثلاً ماركة ستيلا مب موجوده عندنا في قطر اشتريت منها

و بعد طحت في الملاعق الخشبيه حق الطبخ لانها مب متوفره عندنا الا الاحجام الصغير اما هناك تحصلين اشكال و الوان خصوصاً اني تعبت من الملاعق الستيل لانها شمخت جدور التيفال .. و عموماً كل شي متوفر عندنا متوفر هناك و حتى الاسعار وايد قريبه .. فمن رايي تروحين تستانسين و اذا اعجبج شي اخذيه و خلي تركيزج على الوناسه اكثر لانها بلد رائعه

ايه نسيت بعد اذا حابه روحي سوق التشاينا تاون عندهم شنط و ساعات تقليد درجه اولى و فيه درجه ثانيه بس اذا بغيتي الساعات التقليد الدرجه الاولى بتحصلينها داخل المحل مب اللي تنعرض برا ..

و ان شاء الله تسانسين في رحلتج يا رب .. ^_^

يسلمووووو اختي جزاك الله الله الجنة وجعل الفردوس الاعلى مستقرا لك ولمن تحبين...
عندي سؤال وشلون احصل على البضاعه التقليد درجة اولى؟؟؟معروض شيء منها اطلب صاحب الكشك ولا شلون اعرف؟

شوفي يا عمري هو سوق تنعرض فيه البضاعه .. و اذا شفتي الساعات قولي له انا ابي درجه اولى فيرست كلاس بتكون داخل في الكشك في فترينات صغيره و بعضها يخشها في شنط يعني انتي اطلبي منه و هو بيطلعهم لج .. و لا تنسين فاصليه في السعر قد ما تقدرين و اذا كلش سوي روحج انج مب راضيه على السعر و بتروحين لغيره بيناديج و بينزل بعد .. يمكن يوصل لحد نص السعر عادي مره رحت اشتري منه بوك للفلوس قال لي ب 50 ريال فاصلته لين وصلته 20 و لو مطوله بعد يوصله 10 ترى يطمعون فينا ..

اسواق ماليزيا رخص التراب والتسوق متعه ولا تفوتينها
ابعدي عن الماركات المتوفره عندنا عندك واجد محلات حلوه
والجلديات مره حلوه عندهم وزي ماقالو لك البنات لا يفوتك الشاينا تاون

اذا انت تحبين الماركات انصحك تشترين جزم من شانيل واجنر من توين تاور ارخص من عندنا بكثير