ايش اطبخ؟؟؟؟؟

عليك بالصواني والسلطاااات والمشاوي والمقبلات والمعجنات

اسهل واطعم اكله لحم مقطع صغير حطيه في قدر ضغط وقطعي عليه بصله و2طماطم وابهاراتك
واذا الذبيحه صغيره فنجان شاي ماء واذا كبيره كوب ماء وغطي قدرك واول مايلف السفتي هدي النار
واتركيه عشر دقايق واطفي النار واملحي لا تملحي في اول الطبخه لان الملح ياخر نضوج اللحم
ـــــــــــــــــــــــ
كمان ايدام الدجاج ررروعه
في قلايه كشني بصل وثوم لين يتحمر وضيفي دجاجه مقطعه قطع صغيره (الدجاجه قطعيها بعظمها ) وحركيه
ثم ضيفي 2طماطم مفرومه 1فلفل رومي وابهارات وملح ومعجون طماطم وحركيه لين تذوب الطماطم ثم ضيفي ماء وخليه تطبخ لين تستوي وبالعافيه

وايدام العدس ررروعه
في قدر ضغط كشني بصل وثوم لين يتحمر وضيفي 1طماطم مقطعه قطع صغيره وحركيه ثم ضيفي العدس
انا احط فنجان شاي ونص عدس وضيفي ابهاراتك والماء وغطيه لين يستوي واذا ماتعرفي قياس الماء وخايفه
ينحرق صلحي نفس الطريقه بس في قلايه بس تاخذا ماء ووقت اكثر
ايدام البزاليا
نفس طريقت ايدام العدس بس 2طاطم بدل الوحده ونحط معجون طماطم وبدل العدس بزاليا واصلحه في قلايه وهو يطبخ اضغط عليه بالملعقه حتى ينهرس
ماكاني زودتها بالايدامات خخخخ وصلحي كباب ومشاوي
وبالعافيه

شوفي المعجنات والسلطات والصواني وفي اكلات بالتوست

سبحااان الله كنك انا
فنانه في المكرونات وزوجي ما يواطنها
صرت اسوي صواني شاورما وخضار وباميه ومرق ورز مره بالخضار مره بس دجاج
ادخلي مواضيع العضوات والله كثيييير حلوة وسهله