أم البنوته الحلوه :

السلام عليكم ... انا كنت مثلكم متردده لكن لما جبت بنتي قررت أجيبها .. ولفيت ودرت حتى لقيت الغساله اللي تدخل مزاجي .. وأهم شيء اني ابي فيها خيارات متعدده ( غسيل طويل ، غسيل اواني زجاجيه فقط ، زيادة حرارة الماء، واهم شيء اني اقدر أختار غسيل اقتصادي او سريع ماياخذ نص ساعه ، وفيه شطف فقط ، وفيه تجفيف فقط " ) قلت بس لقيتها وسعرها حلو قياسا على الخدمه اللي سوتها لي ... أشتريت غسالة أريستون ARISTON .. فيها كذا خيار ( شطف او نقع: تشطف لك الصحون بالماء استعداد لغسلها في وقت ثاني عشان ماتنشف ويصعب غسلها ) خيار( غسل عادي تاخذ وقت طويل حوالي ساعتين ) خيار ( بلسplus ) هذا تختارينه مع الصحون شديدة الاتساخ ويطول لأن الغسيل يكون أكثر ودرجة حرارة الماء أعلى خيار ( غسيل مخفض ) خيار غسيل زجاج خيار غسل سريع مع تنشيف وهذا ماياخذ ثلث ساعه بس دايما استخدمه وحلو جدا وخاصة اني انظف الصحون بالماء قبل ادخلها الغسالة .. خيار شطف وتنشيف فقط بدون غسيل .. بصراحه انا ارتحت معها كثير وغسيلها مررره عاجبني صحيح اول الأيام تتعبي معها حتى تعرفي درجات التلميع وكمية الصابون المناسبه بس ريحتني كثيييير انا اغسل فيها كل شيء حتى القدور بس القدور اخذها بليفه سلك قبل ادخلها .. بس للأمانه القدور عندي راحت لمعتها من برا .. والمحل اللي أخذته منه قال ماتغسل قدور .. وللأمانه أيضا الحافظات تخرب فيها .. ولو نويتي تاخذينها لازم تتعودي انه اول ماتخلصي من اي صحن تنقعيه بمويه في المجلى وارجعي كملي شغلك والطبخ وفي الأخير اذا خلاص بترتبيهم في الغسالة ابدأي كل صحن وملعقه نقعتيهم في المجلى تبعدي المويه عنه وتمرري عليه مويه نظيفه ثواني بس لاتستخدمي الاسفنج او الليف الحديد إلا للقدور اذا بتدخلينها فيها ... انا عندي صحون دائريه تدخل فيها والأبلام " الصحون البيضاويه بعد تدخل فيها .. عموما انتي لفي وشوفي يمكن فيه انواع جديده ويمكن يكون فيه أفضل من اريستون .. اتمنى اكون افدتك :)

السلام عليكم ... انا كنت مثلكم متردده لكن لما جبت بنتي قررت أجيبها .. ولفيت ودرت حتى لقيت...

سر السواد :

لا يمكنك مشاهدة هذا التعليق لانتهاكه شروط الاستخدام.