ايش افضل كريم اساس استخدمتموه..وايش حل السواد اللي بالجفون ..واسئله اخرى...

سبحان الله كنت حاسه ان ما احد راح يرد على موضوعي وشكلي باطلب الحذف...

هلا الكادي ابرد عليك باللي اعرفه وان شاءالله اقدر افيدك ..
***
اولا : افضل كريم اساس جربته كان كريستيان ديور كان رائع بمعنى الكلمه للسهره ولغيره وحتى البودره المضغوطه من ديور حلوه حاليا استخدم الاساس الجديد من مابلين الكريمي روووعه اعتقد الاخت الياسيه نزلت عنه موضوع بس ماينفع للسهرات لانه عملي وطبيعي واستخدم بودرة كلينيك المضغوطه تجننننن احيانا احطها لحالها بعد الكريم المرطب ..

ثانيا : اكيد فيه معاناه مع شراء كريم الاساس لكن غالبا اختبر درجة اللون على يدي المنطقه اللي تحت الابهام على طول من جهة باطن الكف غالبا تكون الاقرب للون الوجه واختاري درجه افتح شويه من لونك لانه مع الوقت يخف الاساس وتمتصه البشره ..

ثالثا: مافيه غير الكونسيلر لكن يمكن اللي استخدمتيه نوعيته مش تمام عندك كوتسيلر اف سان لوران رهيب جدا ومعروف بالتغطيه الممتازه لونه ذهبي كله وينضغط من تحت والله نسيت اسمه لانه خلص ورميته..
وبعد الكونسيلر حطي على كامل الجفن ابيض او بيج فاتح بعدين حطي فوقها الالون اللي تبغينها طريقه مجربه وحلوه ..

رابعا : جربت طريقة حرق الكحل بالولاعه يخليه اسود وبالقوه يروح من العين ..
عندك كحل نوبا سواده فاحم ويطول بالعين انا مااستخدم غيره يجنن ..

خامسا: والله حبيبتي اول مره اسمع فيه بس هو لايش ؟؟

سادسا : حواجبي بعد مااحط الواكس و احيانا جل الرموش ارسم الاطراف الخارجيه بالقلم لكن الداخليه من عند الانف بالفرشه تعطي منظر طبيعي اكثر لان القلم يخليها حاده وكانها مرسومه رسم يعني مو طبيعيه ..

******
ان شاءالله اكون وفقك في افادتك واي سؤال لا تترددين احنا اخوات ويمكن البنات انشغلو شوي ..
ودمت لاحبابك

~( ندى الورد )~

الله يسعدك ويوفقك ويجبر بخاطرك مثل ما جبرتي بخاطري..

ومانع السيوله انا استخدمته في رسم شفايفي قبل ما ارسمها بقلم اخر واحط الروج او القلوس وفايدته ان الروج او الجلوس ما يسيح ويخرج عن حدود الشفايف ..بالبدايه لاحظته يعمل تمام وبعدين صار لازم احط بودره بعدين ارسم فيه..والحين ملاحظه اني اذا طولت فيه يسيح..كأن بشرتي تشبعت منه..

فاللي انا ابغى اعرفه هل في ناس ..بشرتهم تتعود على شي معين ويضطروا انهم يغيروه..مثلي..

وطبعا ما نستغني عن خبراتكم واجابتكم لبقية الاسئله...

والله يالكادي مااعتقد انه اذا طولتي على استخدام شئ معين وكان فعلا ممتاز انه يتغير ويضطرون يبطلون منه ..
لكن بالنسبه لرسم الشفايف فيه طريقه روووعه دايم استخدمها وهي انك تحطين عالشفايف كونسيلر وبعد مايجف ارسمي شفايفك ولونيها وشوفي كيف تطلع النتيجه ..

طريقه حلوه..
وان شاء الله اني باجربها...