ايش اقول لها

السلام عليكم
معليش بنات تحملوني قسم ضاقت فيني الوسيعه
عارفه ازعجتكم بسوالفي بس قسسسم مالي احد اتكلم وارتاح له والله غير انتم هنا افضفص عندكم امي اتصلت علي وتتشرهه لان لي فتره م ازورهم كثير اتحجج بدروس عيالي قالت بجي عند اختك ولزمت علي اجي وليتني م رحت
وكان في حريم عند اختي قامت وحده من اخواتي قالت لبنتي قدام الحريم يعع فيك ريحة عرق ابعدي عني وبنتي مافيها ريحه كذابه قبل م اخرج من البيت متروشه بس هي مستقصدها لان بنتي حساسه وتنقهر رحت كلمتها ع جنب ليش كذا ي فلأنه قالت انتي قلتيها لي من كنت نفس عمر بنتك والحين ارتحت من رديتها لبنتك وهي حرمه متزوجه وعندها عيال والله خارجه من بيتي مسستانسه ورجعت خاطري ضايق وتحسفت اني رحت انا صح قلت لها من كانت صغيره بس م فشلتها قدام الناس ومن باب النصيحه مو قصدي اضرها ووقتها صح شميت فيها ريحه وانا عارفه تدور علي وع عيالي الاذى وتدور الزله م لقت الا بنتي قدامها والله انكسسسر خاطري من شفت بنتي نزلت راسها ب الارض من الفشله والمصيبه امي كلمتها وناقشتها ان م يغلطون ع بنتي وكلمه ورى كلمه واختي تعلي صوتها وأبحلق بعيونها فيني شوي وتضربني عشان دافعت عن بنتي قامت امي عادي خالتها يمكن شمة ريحه قايمه مع اختي قلت لامي فشلت بنتي قالت عادي وقامت اختي واخوي عيالها من زوج ثاني يغلطون ع ابوي ويسبونه ويعايرون بمرضه انا هنا انحرق دمي والله امي بكبرها تعاير مرض ابوي قدام عيالها وهم يسبون قدامها وواحد سكت شوي قالت قولها كذا وكذا قصدها تكلم عليها واغلط لاتسكت وانا اقسسسم بالله انلطمت ودايم هاذا حالي إذاغلطت علي اني اسكت لانها امي م عرفت اتكلم ولا عرفت أدافع عن ابوي وعن بنتي وقسم بالله عندي كلام كثير لامي ساكته انا اليوم افكر اروح لها واواجهااا بكل كلامها وسبها ودي اعاتبها لان والله حز بخاطري كلامها هي وعيالها هل يعتبر عقوق لان اخاف تزعل ولا أكلها بنفسي واسكت والله لو الاذيه من ناس غيرهم كان قطعتهم ولا فكرت اواصلهم بس هذول من دمي ولحمي واللي خلاهم يتمادون سكوتي اقسسسم بالله من اتذكر كلامهم عن ابوي تنزل دموعي يعايرونه بمرض هو م جابه لنفسه المرض شي من ربي اقسم بالله اكتب ودمعتي ع خدي والله وجهي تغير امي اعرف اسلوبها اللي يسكت لها تحس صبور وم يحس ويخاف تاخذ راحتها م يحسس واللي يجادلها تخاف منه وم تحتك فيه ابغى منكم الحكيمه ترشدني لان معايرهم لابوي وفشلتهم لبنتي مقدر احس من داخلي بنفجر نفسيتي تعبت اكلمها وايش اقولها واللي عندها شي تفيدني لا تقصر
الله يسعدكم