بصراحه صار لي موقف محرج وانا عمري يمكن 5 سنوات كنت كل يوم اقول لامي فيه حد بيجينا اليوم وتقول ستر الله وكل يوم اسألها نفس السؤال وترد بنفس الجواب وكل يوم انتظر ستر الله اللي تقوله امي يدق الباب على بالي انه ادمي اخر شئ سألتها وانا عند الحمام الله يكرمكم وجاوبت نفس الجواب فاني اقول لها امي سكري علي الباب لايجيني ستر الله واللي عقدني الى اليوم قد عمري 24 لكن امي باقي تذكرني به وتضحك

موقفي بعد الملكه كان زوجي يزورنا وكانت اول زياره له المهم ومتشيكه اخر شياكه وكان جاي من المطار. ويوم وصل البيت من الربشه مدري فرحه مدري خجل. طحت من اول درجه وكان معي كاسه قزاز وانكسرت تحتي المهم انا. اطلع في السقف احس الدنيا تدور فيه وتجرحت يدي ورجلي من القزاز وامي فوق راسي تسمي علي

موقفي الثاني بعد الزواج اول مارحت بيتي يوريني الشقه وصلنا للمطبخ موقع الجريمه

وفتح الثلاجه وسكرها مافيها شي

وانا جيتك بفتحها مره ثانيه وسحبها ذيك السحبه لين انفكت عروة باب الثلاجه في يدي وانا اطلع في يدي واطالع في المسكه
ومنحرجه افااا من بدايتها ايش بيقول عني وتتجمع هذيك الدموووووع توني بقول والله ما اقصد الا الرجال يفقعها ضحك هوه ضحك كنه احد كب مويه بارده علي

موقفي الثالث .... قالي جهزي بنسافر خارج المملكه بعد مصيبة الثلاجه يالله جهزي اغراضك

محدثتكم اول مره تسافر

واجيب اكبر شنطه واقش كل عفشي

واروح المطبخ واجيب شنطه صغيرهواحط فيها فيري ومكوى... يقالك بنروح عند ناس ماعندهم منظفات
واقشها
المهم يوم وصلنا المطار عند تفتيش الشنط قال العسكري فك الشنطه المهم الا والعسكري قلب وجهه. وانا تسمرت في مكاني. يوم شفت الفيري عدم الشنطه وانا احط رجلي من الفشله واشوفهم من بعيد يمسحون بالمناديل يوم خلصو جاني زوجي العريس قالت ايش سويت في الفيري )) شكلي متحسفه عليه
قال رميته في الزباله الا ليش ماخذته قلت مدري امكن نحتاجه برائه ياناس مدري خباله

وفي موقف رابع بس خلاص بلاش فضياح ههههه واحنا راجعين من السفر. 🙈