ايش الاماكن الي ماتخطر على بالك وتحتاج تنظيف (لحديثي عهد بمسؤولية وتنظيف بيت يتفضلو)

بسم الله الرحمن الرحيم
السلام عليكم ورحمة الله وبركاته
مساء الخير
اخواتي الموضوع باين من العنوان
انا يااخواتي توني احس بالمسؤولية والبيت وتوني اعرف انه النظافة ماهي خذني جيتك على قولتهم:09: لأ يعني النظافة لها اصول وفي اشياء ماتكون تخطر على بالك يبغالها نظافة وتنظيف
انا الصراحة اقولها لكم ودي اصير امرأة سنعة :p
وطبعا من قبل لااتزوج ماكنت اعرف اشيل شوكة او ملعقة من البيت وبيني وبينكم بغض النظر عن وجود شغالة بالبيت لاكن دور الام مهم جدا وانا كانت الوالدة مريضة الله يشفيها ويعافيها يارب ويحسن خاتمتها وخاتمتنا جميعا يارب:44:
فلما تزوجت لقيت نفسي صفر بإدارة البيت والنظافة والتنظيف مو مجرد كنيس وتمسيح وترتيب وغسيل:3_13_12: وتنظيف :3_13_11:وكي صرتي انتي ربة بيت شاطرة لأ طلع الموضوع فيه شغلات كثير غايبة عني
ومن ضمنها
تلميع القدور <<<<لسة امس سمعت فيها هههههههه من موضوع لاحدى الاخوات:09:
تنظيف الابواب
تنظيف الشبابيك <<كنت اشوف الشغالات ينظفو بس مااعرف اسوي زيهم وودي اتعلم
تنظيف الشفاط
واشياء دقيقة مثلا تنظيف مفاتيح الكهرباء وتنظيف نفس الحنفيات والشغلات هذه
عشان كذا ياحبيباتي ياحلوات ياسنعات ياليت اي وحدة في بالها مكان مايخطر على البال ويبغالو تنظيف او حتى تذكر لنا طريقة تنظيفها لأي شي أي شي لانه هي ممكن تفيدنا بطريقتها سواء تنظيف البلاط او فرش السرير خصوصا لو كانى كبير وغسالتك صغيرة مثلا وماعندك حتى بانيو ايش تسوي تنظيف الستاير كيف افكها واغسلها او حتى كيف اغسلها بدون فك اي طريقة يابنات لأي شي حتى لو شي واضح وباين ياليت تذكروها لانكم كذا بتساعدوني وتساعدو اخواتكم الي زي حالاتي ونبغى نصير سنعات بدون شغالات ولاشي
اتمنى تكون الفكرة وصلت