ايش الحاله اللي عندها من تعلمني وتكسب اجرنا

حبيبتي اختك محتاجه لرقيه شرعيه وبقوه
اذا تطمنتوا ان مافيها حاجه بعد الرقيه
ضروري تنعرض ع دكتور نفسي
لا تهملونها ابدا يمكن هيه تعرضت لصدمه خلتها كذا او فيها مرض روحي

هل اختك تعرضت لموقف قوي صدمة
او كانت وظيفتها تحسد عليها او لها في احد يكره لها الخير؟ أعداء ...
هل كانت تعاني من صغرها والا الحالة اللي صارت معها فجأة بدون أي مقدمات
يعني تذكروا اول موقف صار معها وقلب حالها
هل تتاثر عند تشغيل القران في البيت او سماع ؟
كيف عباداتها الصلاة ؟
لان مانقدر نجزم على امر مخفي الا بعد التوضيح منك رجاء
يجب انها تتحصن وتنام على وضوء
وانتظر الرد
اسال الله ان يشفيها ويكفيها شر كل مكروه

والله يااختي لاتعرضت لصدمه ولاشي واول مرة تصير معها لدرجة اذا رحنا المول تقول كل هذولا الناس يراقبوني حتى الاطفال وكل بيتأمرون ضدي..فعلا حاله غريبه .. فجأه تصحى وتقول وش اللي حصل لي كل هالشهور.. وهي احسبها والله حسيبها يعني تخاف من الله وتصلي الاذكار تقرأها بس مو دايم قعدنا معاها نتذكر اول مابدأ .. تقول انقلب حالي من بداية الترم الثاني.. ماودنا نظلم احد .. ماادري ليه كرهت مديرتها تخيلي حتى بعزا ابوها ماعزتها والان تقول انا ليش سويت بمديرتي كذا ليش ماعزيتها تقول كرهت كل زميلاتي وكنت اشم ريحه مجاري ريحه معفنه الله يكرمكم واطالع بزميلاتي واشوفهم عادي مو متقرفين ولا كأنهم يشمون شي وانا اصك خشمي واناظرهم هم مايشمون .. تقول يوم اشرح اشوف الطالبات كلهم يتأمرون ضدي .. كانت تتحلم بوزغه بظهرها ومرة وزغه على جدار ومرة وزغه في الحمام .. ومرة شافت قبور كثيرة ماتعرفها ومرة تحلمت كأنها تطيح من مكان عالي .. زارتنا وحده من عايلتنا 3 العيد وقالت لها اللي صار لها قالت هذا عمل شيطاني .. سبحان الله 5 يوم اخت صحت .... وقرأت البقرة اللي كانت طيلة هالاشهر ماتقرأها لانهم يراقبوها .. وتقول حست بغثيان وبس وضيقة وتتنهد .. هي تقول خايفة انه مرض نفسي .. وراحت المستشفى وسوت تحاليل وكل شي طلع تمام .. جبنا لها ماء مقري فيه وزيت وعسل وسدر .. تقول جسمها مرة ثقيل ورجلها اليسار تعورها مرة لكن ماادري والله ايش اقولكم الله المستعان .. خايفين عليها يرجع لها .. حتى مرة خايفة تقول كيف سكتو كل هالاشهر وخليتوني اتعذب..ليش كنت مصدقيني .. حنا كنا نسايرها وننكت معها قلنا يمكن مديرتها تأذيها وهي حساسه..

االغثيان والضيقةة والثققل كله من اعراض المرض الروحي اضآفة للحلم اللي حلمته ..
خل تتوكل على الله وترقي نفسهآآ ..
تلازم الاذكآآر والتحصين ... وتخلي لهآ ورد من القرآن والافضل انهآ تختم بس كله بالتدريج عشان ما تحس بطفش ً ..
اضآفة للمآي المقري تشربه وتغتسل فيه تخلط معاه ماي ورد ..
والزيت زيتون وحبة السودآ مقري تدهن فيه كل يوم ًً .. والاستغفففآر بكثرةةة والتهليل والتسبيححح والحوقلةةة والدعآء بآلحآآح بنية واخلآص ..
وقيآم الليل ً ... والصدقةةة .. وتتسمع الرقـيةة العآمةة

اسأل الله ان يشفيهآ ويمدهآ بالصحة والعآفية <3 ..

إذا فعلاً فيها مرض روحي ..يصير مثل هذي الحالات الشيطان يكون مسيطر علئ عقلها ..ويوسوس فيها بحيث ماتقدر تتحكم ..


هذا اذا فعلاً فيها مرض روحي ..عشان كذا الاحتياط واجب عالجوها بالقرااان