ايش الحركات اللي تكرهينها بغيرك؟؟؟؟؟؟؟؟؟؟

السلام عليكم ورحمة الله وبركاته



اخواتي كل شخص فينا يواجه بعض الحركات اللي ما تعجبه من الشخص اللي قدامه وتكون هذي الحركات فيها نوع من الوقاحة وقلة الذوق واحيانا الشخص اللي قدامة ما يكون واعي للحركات اللي يسويها او ما يجي عباله انها قلة ذوق
مثلا انا اكره لما يكلمني احد يجلس يناظر بأشياء ثانية ولا يناظرني احسه يا مستحقرني او انه يكذب علي
اولما انا اتكلم يقوم يناظر بأشياء ثانيه ولا يعبرني ولا كأني اكلمه.............. هذي احسها قلة ادب


ومثال ثاني عالحركات هذي لما يجي لك شخص ماله الا اللي براسة او يعني انه متعصب لرأية يستشيرك بشي ويضيع وقتك في ذكر محاسن او مساويء الشي اللي اقترحتيه ثم ينفذ فكرته اللي براسة بعد ما طلع روحك على الاقتراح اللي اقترحتيه........... انا ما اطيق الاشكال هذي وللأسف وحده من اخواتي كذا ...... لدرجة اني صرت سلبية معاها ولا اعطيها وجه اذا جات تاخذ رايي بشيء او اقول لها من البدايه سوي اللي يعجبك


عاد يا حلوات اكيد انه عندكم حركات او اشياء تكرهونها بغيركم وتكون احيانا سخيفة او مالها معنى خلونا نستفيد من بعض وكل وحده تذكر لنا تجاربها في هالمجال يمكن احد منا يلاقي هالعيوب بشخصيته وهو ما يدري فهالموضوع ان شاء الله بيساعد بتطور شخصياتنا و تواصلنا مع الغير


لاتبخلو علي بتجاربكم لانه الفائده بتكون للجميع

منتظرة ارائكم