ايش الحركات اللي ماتحبونها في حفلات الزواج والاعراس ؟ (موضوع للنقاش واستطلاع الآراء)

اكثر شيء يضايقني الكميرات الفيديو والجوال
الدقاقه تقتصر علي الدف فقط لأنه هذا هو المباح
عدم تأخير العروس ولعشاء

والله اللي يضايقني
المسيقى والبس الماصخ وتاخير العشا يا حرااااام الا طفال ما يقدرو يقاومو

الكامرات والجوالات اللي بكا ميرا
دخول العريس مع العروس ابغضه كثير
ازدحام الكوشه بأقارب العروس
هذا اللي حاضرني الحين اذا تذكرت شي لي رجعه

انا اللي يضايقني التصوير والاطفال كانهم قاعدين بملاهي لعب وركض ..

اكثر شي يضااااايجني اليهاااااااااااااااااااال
صدق ماحب العرس الي يكون عدد اليهال يفوق عدد المعازييم خخخخخ
ماشالله يحولون العرس لملعب خخخ

اكره حركه اذا دخل المعرس !!!!!!!!!! وش الداعي من دخوله عند الحريم ؟؟؟ ينثبر في مكانه لين ماترجع عروسته مب لازم يبقق عيونه بالحريم ويرزز عمره عندهم ..
واتضايق اذا اخروا العشاء مره الي صلاة الفجر مالها داعي على الاقل الساعه 1ونص تقريبا حلو ..
واتضايق اذا كان بالطق اورق ...
واتضايق اذا كان بالعرس بذخ زايد عن حده وبهرجه .. يعني تكلفوا بس بالمعقول ..
واتضايق من حركه اذا جابوا مطرب زياده عن الطقاقه الموجوده !! يعني اذا بتجيبوا فرقه ثانيه خلوها حرمه بعد وشوله رجال وحوسه وعرضه بالشاشه ... بربسه ..
وانقهر من الي بيسوون اي شي غريب في زواجهم ولو مو حلو اهم شي خارج عن العادي والمتعارف .. يعني بعض الناس الله يهديهم عندهم عقليات غريبه ويحبون التميز باشياء مضحكه ..
هذا الي حاضرني الحين ودمتم ..