ايش الحل

السلام عليكم الله يسعدكم جميعا
طبعا مشكلتي مطلقه لي ١٠ سنوات
تزوجت وعمري ١٣ سنه الحمدلله ربي رزقني بولدين وبنتين يارب لك الحمد ماشاءالله الحين هم طولي ربي يخليهم لي أكبر عيالي ولد عمره ١٦ سنه
وبنتي ١٥ وولد ١٣ واخر العنقود بنت ١٢ سنه تطلقت وعمري ٢٢ سنه الحمدلله كان زواج سيء جدددددا لكن خيرررره ياربي لك الحمد عني أجمل واكيت ابناء وبنات ماندمت ولا مره اني تزوجت صغيره لانه اكيد خيره اراد ربي اتزوج بدري واخلف واصير ام رغم القسوه والضرب الي تعرضت له من يوم زواجي الين قبل طلاقي رغم الاهانات والالفاظ الي ضربني ولنا ٣ شهور متزوجه وتعرفون صغيره وزمان كان مافي تفتح مثل الحين كل سي الحين تغير وكان زمان عيب الطلاق المهم يوم صار عمري ١٥ سنه حبيت واحد وانا عنده تعلقت فيه بجنون ادري غلط وحرام بس كنت هبله وصغيره ولقيت منه كلام عمري ماسمعته من زوجي لمن اتذكر الحين اقول كيف حبيته مدري مع انه كل كلام يقال عن طريق الانترنت كذب اذا تذكرت اقول بنفسي حب غبي ومراهقه المهم زوجي لمن عرف ضربني ضرب مبرح واخد مني الجوال وا وا وجلس سنين ماسك عليه دي الغلطه وكل الموضوع كانت مكالمات بعد فتره صار يلوم نفسه انه هو السبب وأنه هو سبب اني كلمت لكن بعد ماكرهته ولا عاد قدرت احبه وجلست اجري ورا الطلاق الين تطلقت بس الان دايم يتكلم عليه قدام عيالي وينتقدني. احب عيالي مررره وعيالي متعلقين فيني بجنون ويزعلون وتتعب نفسيتهم اذا تكلم ودايم يقول لهم امكم مو قدوه لكم رغم انه الحمدلله يارب عايله محافظه وكانت هذيك الغلطه طيش وطفله كنت هو إنسان عدواني حتى علاقته مع أولاده سيئه تزوج وحده تضربه واذا راحو عيالي كانت اول تضربهم بس انا هددتها اني اشتكي وسمعتها القصص الي تصير لو اشتكيت لحقوق الإنسان المهم قويت شوكة عيالي وصارو مابسكتو لها ربي يحفطهم ولا صارت تكلمهم ماعليش طولت عليكم بس مغبونه ليه يتكلم علي عن اولادي مع اني يشهد الله أولاده كل ماقالو واشتكو من ابوهم اقول ابوكم ايش تسوو محد يختار أهله اسمعو كلامه وجاملوه عشان تكسبو أجر دايم يقول لبنتي امكم مافيها خير وهو والله العظيم مايصرف ولا ريال عليهم لكني اقول لعيالي خلوه يتحمل ذنوبي باالعافيه عليه ولا ابي انتقده عشان ابوهم ودايم اقول بيني وبين نفسي الله يرد كيده بنحره لو بيكره اولادي فيني. المهم انا الان على وشك زواج عمري ٣١ سنه محتاره اشتكي عليه وعلى زوجتو عشان ارتاح بحياتي انه ماتلمس اولادي واشتكي عليه انه يتلفظ عليه قدام اولادي ولا اوكل امره لربي واخليه يشيل ذنوبي انسان سيء بمعنى الكلمه لا اخلاق ولا ضمير ولا حتى سمعه كويسه لو ماهو ابو اولادي كان خليت اخواني يوقفوه عند حده بس كولو عشان بزوزتي