ايش الحل للصاله الصغيــــــره

السلام عليكم

هلا فيك أختي

إلي فهمت إن البيت يتكون من :

مجلس رجال ، مجلس نساء ، ومقلط للرجال ، وصالة

إذا كذا

فهو تماااااام ، مقلط يكفي إذا عندك رجال أو حريم

لكن إذا قصدك إن ماعندك مقلط ، وتقلطين في الصالة

مافيه مشكلة ، حطي فيها جلسة صغيرة ، موشرط طقم كامل ، ممكن صوفا ، وكرسيين صغار

وإذا جاك ضيوف مدي السفرة وقلطي لهم

الشكوى لله هذا الموجود

:)

اخت همسه والله انك رائعه انا ما توقعت احد بيرد علي لين بكره وفكرتك حلوه لكن انا الحمد لله عندي مقلط ومجلس رجال ومجلس نساء وصاله صغيره بينهم يعني قولي اربعه متر في اثنين ونص تقريبا
ولما بيجيني ضيوف كثير فكرت انه اقلط الرجال في المقلط وبعدهم الحريم لكن المشكله لو اضطريت اقلط في نفس الوقت يعن الرجال في المقلط والحريم في الصاله هنا المشكله لازم اشيل الكنب لو باحط كنب لانه ماراح تكفي
انا فكرت احط طاولة طعام بس لانه جلستنا العائليه فوق
بس ما ادري عادي شكل الطاوله لوحدها في الصاله خصوصا لو جاني اشخاص مهمين
والله محتاره واحيانا افكر احط نص جلسه كمنظر فقط لكن اتوقع راح اضطر اشيلها عشان اوسع المكان للسفره

السلام عليكم

أختي

وين وين يكون عندك رجال وحريم في نفس الوقت ، أو يكون فيه مناسبات رسمية

أنصحك تحطين فيها مثل ماقلت لك

وإذا إضطريتي لتقليط فيها ، شيلي الأثاث ، وجيبي طاولات للأكل

:)

حبيبتى حبيت اقدم لك فكرة متواضعة000وان شاء الله تعجبك
افرشي الصالة موكيت يكون مورد عشان يعطى لمسة حلوة لصالة وبعدين زينى الاركان بالاشجار وحطي رفوف على الجدار بالاضافة الى لوحات صغيرة وكمان سوي ستاره من الشيفون على الجدار وحطي بداخلها منظر او اي شى تفضلين وبكذا راح تطلع قمة فى الروعه ولا تشيلين ولا تحطين0000