ابوك شايل همك وقاعد يفكر فيك بس مو منتبه لرغبتك بالزواج يمكن لانك عمرك ما بينتي او لمحتي .ابوك انسان طيب وهو مفكر ان قاعد يساعدك وصدقيني اذا درى برغبتك بالزواج ماراح يردك ..حاولي توصلين له لو عن طريق امك انه يحز في خاطرك انه يرد العرسان وطالما ما في الخاطب عيب ليش يمنع الموضوع انه يتم.

حبيبتي اللي فيك مو عذر يرد الخطاب عشانه كل البنات اللي يتزوجون مو خاليات من العيوب كثير اشوفهم مثل وضعك وجايبين عيال ومبسوطين ابوك حنون عليك بزياده ومبين يحبك حيل ومايبي اي شي يضايفك بهالحياه بس فهميه يقلل من خوفه وبيني له رغبتك بالزواج والله يوفقك ويسسسسعدك ويفرح قلبك عاجلا غير اجل باللي تبين

ياعمري انتي انا عمري 40سنة واصغر عيالي بنت عمرها 3سنين ونص دهسها ولد اختي العام وانشلت رجولها لاحركة ولااحساس دايما ابكي وافكر في مستقبلها أقول من بيرضى يتزوجها وافكر انها رايحة تنحرم من الخلفة واتخيلها كبرت واخوانها مشغولين عنها من بيغسلها مين بيوديها المدرسة لو مت عنها أحيانا افكر ازوجها من لقيط يمكن يقبل في مشلولة او فقير نعطية فلوس طبعا أفكار من الشيطان ليحزن قلبي على ماهو حزين كل افكاري هذي مو انها رخيصة او ما احبها بس ماودي تعيش مع زوجات اخوانها تثقل عليهم ودي ربي يرزقها بعيال يقومون فيها بعد موتي ابوك يقول بيربي بنت عشانك صدقيني هذا من تفكيرة فيكي ليل نهار ومن حبة لكي وخايف عليكي من حريم اخوانك يسمعونك شي يحزنك مايبغى يزوجك من رجال ينكد عليكي لانة ادرى بالرجال
الحياة مؤلمة فيها مصايب وابتلااااااااااااااء فاصبري فربما جعل الله اباك سببا في ان لاتعيشي حياة اسوا مما انتي فيها
يمكن سمعتي عن الطفلة جوري اللي انخطفت قبل أسبوع الله يردها لاهلها سالمة وربي بكيت عليها وحمدت ربي ان بنتي مشلولة لكن امامي وفي حظني بنتي لمن انشلت كانت في عمرها سنتين ونص وكنت اصبر قلبي وأقول للدكتورة قلبي مقبوض على بنتي من يوم جبتها لانها ماشاء الله جمال وبياض وجسم والكلام عليها كثير وأقول للدكتورة الحمد لله يمكن شللها خيرة كيف لو انخطفت يمكن الله سببلها الحادث حتى يحميها من الخطف ويمكن الله رد عنك الزواج او اخرة لحكمة يعلمها وثقي ثقة عمياء ان الوالدين مهما صرحوا بأشياء فوالله ليس هنالك على وجة الأرض محروق قلبة عليكي اكثر منهم حفظك الله ورعاك واسمعنا عنك كل خبر طيب
ويشفي بنتي

كانت تمشي مع اخوها عمرة 14 في صباح العيد وكانت في اجمل منظر مانسى ذيك اللبسة اللي طول رمضان أقول متى يجي العيد والبسها وصباحية العيد جاء عمها وولدة يصير ولد اختي كمان ودعسوها بسيارة صالون كبيرة كانوا جايين لصلاة العيد جنب بيتنا والله ماشالوا الملابس الابالمقص من عليها في المانيا قالوا مافي امل مرة وهنا كمان ولكن كل مادعيت ربي احلم انها مشت ودايما أقول يارب قال اهل الأرض ان جمانة لن تشفى وانت قلت ادعوني استجب لكم فوالله لن اصدق غيرك يارب وهو ابتلاء ارجوا من الله ان يمدني بالصبر والثبات حتى أرى وعد ربي بالاجابة قد تحقق

الله يصلح حآل ابوك ماتدرين يمكن التأخير ورفض ابوك خيره من ربي ويرد عنك سوء
...وعسى ان تكرهوا شئ وهو خير لكم وعسى ان تحبو شي وهو شر لكم ...
وبنفس الوقت حاولي تجلسي مع ابوك وتقنعينه الله يسر امورك ويرزقك ماتتمنين ...