ايش الحل مع الناس اللي تتبلى عليكي وتطلق عليكي شائعات؟؟؟

السلام عليكم ورحمة الله
باين السؤال من العنوان
قبل فترة نزلت موضوع عن ام زوجي انها تبغى تجي معايا المستشفى وقت الولادة وانا ماابغاها تجي
لكن قبل كم يوم بان شي ثاني
ام زوجي ماشاءالله كبيرة في سنها وعندها خبرة في الحياه وتخاف ربها وتصلي وتصوم مو بس رمضان ولابس الفروض الخمسه ماشاءالله تزيد عليها
لكن اتفااااااااااااااااااااااااااااااجأ انها تتبلى عليا ؟؟؟؟
وتقول كلام للناس عني مو صحيح يعني مو معقول اجلس جلسه مع الناس ومبسوطه وفي الاخر اصحح فيها معلومات كلها غلط و اكتشف انها هيه قالت
واستحي اواجها كأني ابغى مشاكل
لكن نفسي انها تبطل
وهذي مو اول مره .. كانت تتبلى على ناس ثانيين وكنت اصدقها يوم تقول عنهم كلام قدامي
والناس يحكوني قصص ثانيه وفي قلبي اقول ياربي مين الصادق ام زوجي ولا هما ؟؟
بعدين اتأكدت انو ام زوجي هيه اللي تتبلى عليهم
وصل الحال انها قدامي عيني عينك تكذب على لساني ... انا اطالع وفاتحه عيوني ارد عليها قدام الناااس ؟؟ ولااسكت ولاايش ؟؟؟ وجلست ساكتة قلت معليش هيه الكبيرة
يابنات وصل الحال انها تتكلم عن اهلي قدام الناس يعني اهل ابويا واهل امي
عايشه اوهاام واحلام
ولكبر سنها ومكانتها مااعرف كيف ارد ولاابغى ازعلها
ومره حكتني قصه عن وحدة كلها كذب في كذب وانا عارفه انها تكذب وتقول :
البنت قالت كذا وكذا
قلتلها انتي متأكده ان البنت قالت الكلام هذا ؟؟؟
قالت :: ايوا متأكده ؟
قلتلها يعني هيه قالت في وجهك ولاوصلك الكلام من احد لاني سمعت غير كذا
قامت اتفشلت
قالتلي لالالا انا ماقلت البنت قالت
انا قلت يمكن البنت قالت في نفسها
طبعا الكلام خاص عشان كذا ماكتبت ايش القصة اللي كنا نتكلم فيها انا وام زوجي
لكن بمعنى اوضح اتقولت على البنت بكلام ويوم حست اني بواجهها لفت الموضوع وغيرت الكلام وبيت ان البنت مانطقت بشئ
يابنات صارت تتبلى عليا عند جماعتهم تعبت معاها نفسيتي زفت بسببها وكل موضوع اكبر من الثاني\ماني عارفه كيف اتصرف