والله ارفع الاغراض عنها بس تجيبها تتسلق الدروج
وكنت اقفل الثلاجه وخربت القفل وصرت ارفع العصيرات
والحلويات عنها في الدولاب من فوق والله انها اطلعها واذا
قفلت الباب ودسيت المفتاح عنها والله اطلعه لو من تحت الارض
واذا صليت ولا رحت دورت المياه استغلت الفرصه وراحت
الله يصلحها ويهديها بس ادعو لها بالهدايه
ومشكورات حبيباتي عاى مروركن العطر والله يجزاكن الجنه

قلديها
ايه قلديها ... وسوي لها نفس اللي تسوية معاك
اول شي شيلي اغراضك عنها نهائيا ما تطولها .... اغراضها بكيفها وخليها تندم اذا ودت لهم حلوياتها وماعطوها واكلوها بس اغراضك لا تقربها لانها ماراح تعاني اذا انفقد منها شي مايخصها .
وابداي دوري اعز لعبة على قلبها او شيء هي تحبه ... خذيه من يدها وودية قدامها لهم بدون ما تحسسيهم حولك بشي
وقولي لها مثل ماتسوين معي ... وان زعلت وبكت اتفقي معها انكم خلاص ماتوون شي هناك واختبريها مره .... قولي لها هذا الغرض ياماما نوديه هناك والا نخلية هنا ... اذا قالت هنا مو هناك مدحيها وكافئيها واساليها طبعا عن عدة اغراض تخصك وتخصها .. عشان تستوعب زين
. يمكن تعرف احساسك ناحية هالشي وتبطل

بالصراحة ها اللي ممكن اسوية لو صار معي نفس حالتك ... والا مادري طريقتي صح او خطا في راي المختصين
لكن عندك بنتي سويت معها كذا لمن كانت تاخذ مكياجي واغراضي ومكن تخربها وتكسرها ..... صرت اخذ اعز العابها واخشهم عنها وان سالت اقولها كسرتها والا خربتها زي ما سويتي مع روجي او عطري او اي غرض لي .... تقوم تندم وتتاسف
ومرات اذا لقيتها متلبسة بالجريمة اروح دوغري قدامها واسحب اغراضها وهي تشوفين وتزعل وتلاحقني وتصايح بس احرمها منهم وقولها السبب .... بعد كم يوم ان تعدلت طلعت العابها بدون ماتحس يعني.

سؤال ملقوف ومحرج ..... تتوقعين احد يطلبها تجيب الاغراض والا معودها يكافئها او يضحك على تصرفها بدون ما يوبخها ان هي ودت لهم ؟؟؟ انا ما اقول شكي او اسئي الظن بس اسالي وتفقدي عشان تعالجين المشكلة من جذورها
اصلا الله يهديهم هم المفروض ينصحونها مو يستحلون تصرفها ويضحكون بس او يتصرفون حياله عادي ماكنها مسوية شي

لازم تفهمي اهل زوجك انهم ينصحوها كل مرة تجيب لهم غرض واذا خايفة ياخذون بخاطرهم ( عيال عمتك ) منك ويفهمو كلامك غلط وضحيلهم غرضك وهو مصلحة البنت وسمعتها من سمعتهم ... قوليلهم بكرة لو طلعتها معي زيارة عند ناس ممكن تشيل اغراضهم وتجيبها لكم وساعتها يفكرونها تسرق وذا الشي مو زين بحقها لان الناس اغراب ما بتفهم انه طفل وتصرف بعفوية .... بيفكرو ان احد يوزه او حتى معودة يشوف تصرفه هذا ولا ينصحه او يعاتبه فتتطور المشكلة لا سمح الله وتكبر مع الطفل

يا ختي الله يكون في عونك
حاولي تشيلين اغراضك عنها ولا تشوفها وقفلي عليها
وانتبهي تضعفين وتطلعين لها المفتاح
وحددي وقت مثلا العصر تروح لهم بس مو كل شوي رايحه يعني قفلي الباب اللي بينك وبينهم
ولا جاء وقت العصر افتحي الباب

بالنسبة لي كل غرفة مقفلتها بمفتاحها عشان لا يسووا فوضى واجري وراهم
يعني لو تسويها ترتاحي
حتى المطبخ مقفل والثلاجة كمان